Нұр-Сұлтан, BAQ.KZ. Бүгін таңертең Ақтау қаласында «Масат» азық-түлік базары өртенді.
27 қыркүйек күні сағат 7:55-те «Масат» азық-түлік базарының аумағында 17 сауда нүктесі мен 14 контейнер, 60 сөре өртенген. Өрттің жалпы аумағы 750 шаршы метр, - деді ҚР Төтенше жағдайлар министрлігінің баспасөз қызметі.ТЖМ бөлімі қызметкерлерінің жедел әрекет етуі нәтижесінде өрт сағат 9:16-да сөндірілді.
Зардап шеккендер мен қаза болғандар жоқ.
Өрт сөндіруге 68 қызметкер мен 13 өрт сөндіру техникасы жұмылдырылды. Өрттің неден шыққаны анықталып жатыр.
