Астана, baq.kz. Ақтөбелік дәрігерлерден мереке күндері көмек сұрағандар көп болған. «103» қызметіне төрт күнде 3 мыңға жуық қоңырау түсті. Бұл туралы aktobenews.kz сайты хабарлайды.
Дәрігерлер мен фельдшерлер 2723 қала тұрғынына шұғыл көмек көрсетті.
«Төрт күнде түскен 2723 қоңыраудың 905-і балаларға қатысты. Жедел жәрдем қызметі өміріне қауіп төнген 1236 тұрғынға араша болды. Оның ішінде есінен танып комаға түскен 10 адам бар. 38 адам жүрек ауруының белгілерімен ауруханаға жеткізілді. Сонымен қатар, 22 адам жол-көлік оқиғасынан зардап шеккен. 164 ақтөбелік тұрғынның жағдайы туралы ақпарат қалалық емханаларға жіберілді. Мереке күндері 8 адам уланған», - деп хабарлайды облыстық жедел жәрдем қызметінің баспасөз қызметі.
