Бас жаңалықтар
Ақтөбе облысында Армениядан әкелінген 410 көлік тіркелді
10 Шілде 2020, 12:35 151

Ақтөбе облысында Армениядан әкелінген 410 көлік тіркелді

Нұр-Сұлтан, BAQ.KZ. Биылғы 1 маусымнан бастап Үкімет қаулысына сәйкес елде Қазақстан Республикасы азаматтарының атына Қазақстан Республикасы аумағына Армениядан 2020 жылғы 1 ақпанға дейін кіргізілген, басқару құрылғысы сол жақта орналасқан көлік құралдарын тіркеу басталды.

Көлік құралдарын тіркеу үшін көлік иелеріне жеке басын куәландыратын құжат, алым мен баждарды төлеу туралы құжаттар, көлікті тіркеу туралы куәлікті және Армения Республикасының уәкілетті органында берілген мемлекеттік тіркеу нөмір белгілерін ұсынуы қажет. Сондай-ақ құжаттар мемлекеттік немесе орыс тілдеріне аударылып, нотариуспен расталуы тиіс, - деді Әкімшілік полиция басқармасының бастығы Ерлан Алимағамбетов.

Сонымен қатар, өңірде көлікті тіркеу ережелерін түсіндіру үшін Полиция департаментінде Call-орталығы жұмыс істейді.

Армениядан әкелінген көлік құралдарын тіркеу ережелерін түсіндіру үшін Полиция департаментінде Call-орталығы жұмыс істейді, 525-100 телефоны бойынша қоңырау шалып, көлік құралын тіркеу жайында кеңес алуға болады. Көліктерді тіркеу уақытынан бастап 1,6 мыңнан астам азамат кеңес алып, Армения Республикасынан әкелінген 410 көлік құралы есепке алынды, - деп толықтырды Е. Алимағамбетов.


Фото: ашық дереккөз
Загрузка...