Нұр-Сұлтан, BAQ.KZ. «Қазгидромет» РМК еліміздің 5 облысында ауа райына байланысты ескерту жариялады.
6 қараша күні тәулік бойы Түркістан облысының тау бөктерлі және оңтүстік аудандарында тұман түсуі ықтимал.
Шымкентте де 6 қараша күні тұман түсуі ықтимал.
6 қарашада Батыс Қазақстан облысында жел оңтүстік-шығыстан, оңтүстіктен соғады, облыстың оңтүстігінде екпіні 15-20 м/с жел соғады.
Оралда 6 қарашада жел оңтүстік-шығыстан, оңтүстіктен соғады, күндіз екпіні 15-20 м/с болады.
6 қарашада Ақмола облысының солтүстігінде батыстан, оңтүстік-батыстан жел соғады, екпіні 15-20 м/с болады.
Көкшетауда 6 қарашада батыстан, оңтүстік-батыстан жел соғады, екпіні 15 м/с.
6 қарашада Қызылорда облысының орталығында шаңды дауыл тұрады. Жел солтүстік-шығыстан соғады, облыстың орталығында және оңтүстігінде желдің жылдамдығы 15-20 м/с болады.
Қызылордада 6 қарашада жел солтүстік-шығыстан соғады, күндіз екпіні 15-20 м/с болады.
6 қарашада түнде және таңертең Алматы облысының солтүстігінде және таулы аудандарда тұман түседі, 6-8 қарашада Алакөл көлдерінің ауданында жел шығыстан соғады, күші 17-22 м/с күтіледі.
