Бас жаңалықтар
40-қа жуық жолаушысы бар ұшақ жоғалып кетті
10 Желтоқсан 2019, 11:33 2690

40-қа жуық жолаушысы бар ұшақ жоғалып кетті

Нұр-Сұлтан, BAQ.KZ. Антарктикадағы базаға бағыт алған чилилік әскери ұшақ радардан жоғалып кетті. 

РИА Новости сайтының деректеріне сүйенсек, бортта 38 адам болған.  

C130 Hercules ұшағы 16:55-те ұшып, 18:13-те байланыстан ажырап кетті. Ол Пунта-Аренас қаласындағы "Чабунко" базасынан Антарктикадағы әуе базасына бағыт алған. Бортта барлығы 38 адам, оның 17-сі – экипаж мүшесі,  21-і – жолаушы болған, - делінген ВВС Чилидің Twitter-дегі парақшасында.  

Ұшақ базалардың бірін жанармаймен қамтамасыз ететін мұнай құбырында қызмет ететін жұмысшыларды тасымалдап келе жатқан. ВВС Чили генералы Эдуардо Москейру ұшақтағы жанармай Нұр-Сұлтан уақыты бойынша шамамен 09:40-та бітуі керек болғанын хабарлаған. 

C-130 – орта және үлкен қашықтыққа ұшатын америкалық әскери көлік ұшағы.


Фото: ашық дереккөз
Загрузка...