30 жылда қуатты елге айналып, бірлігі бекем қоғам құрдық - Елбасы
23 Қараша 2021, 18:58 1343

30 жылда қуатты елге айналып, бірлігі бекем қоғам құрдық - Елбасы

Нұр-Сұлтан, BAQ.KZ тілшісі. Бұл туралы Елбасы Нұрсұлтан Назарбаев «Nur Otan» партиясы Саяси кеңесінің кеңейтілген отырысында айтты.

Біз Тәуелсіздіктің отыз жылдығын айтулы жетістіктермен қарсы алып отырмыз. Қуатты елге айналып, бірлігі бекем қоғам құрдық. Сындарлы саясат жүргізіп, әлеуеті зор нарықтық экономикалық жүйе қалыптастырдық. Ең бастысы бабаларымыз ғасырлар бойы аңсап өткен Тәуелсіздікке қол жеткізіп, елдігіміз қайта жаңғырды, - деп айтты Нұрсұлтан Назарбаев.

Елбасы атағандай, әлем қартасында Қазақстан деген егемен елдің ойып тұрып орын алуы үшін аянбай еңбек еттік.

Ендігі кезекте осы жетістігімізді еселеп арттыру ел ынтымағы мен тұтастығына байланысты. Отыз жылда 9,5 миллионнан астам сәби дүниеге келді. Олардың алдыңғы шебі орда бұзар отызға толып отыр. Бұл – көзі ашық, көкірегі ояу, санасы азат, ойы озық жаңа буын, - дейді Елбасы.

Назарбаевтың пікірінше, мемлекеттілікті сақтап, Қазақстанды «Мәңгілік Ел» ету - осы ұрпаққа жүктелетін тарихи миссия.


Фото: ашық дереккөз
Загрузка...