Нұр-Сұлтан, BAQ.KZ. 16 қыркүйекте сағат 11:04-те Петропавл қаласының өртке қарсы қызмет пультіне Мир көшесі бойындағы бес қабатты тұрғын үйде шыққан өрт туралы шақыру түсті. Бұл туралы ТЖМ баспасөз қызметі хабарлады.
Алғашқы өрт сөндіру бөлімшелері келгеннен кейін бірінші қабаттағы пәтерде жанудың болғаны анықталды. Қатты түтін орын алды. Өрт сөндірушілер дереу тұрғындарды жоғары қабаттан құтқара бастады. Автосаты арқылы 25 адам құтқарылды, баспалдақпен 50 адам эвакуацияланды. Қабылданған шаралардың нәтижесінде өрт сағат 11:57-де 30 шаршы метр алдын ала алаңда сөндірілді - делінген хабарламада.
Өртті сөндіруге ТЖД жеке құрамынан 30 адам және 8 өрт сөндіру техникасы жұмылдырылды.
Қаза болғандар мен зардап шеккендер жоқ. Бірнеше тұрғынның өтініші бойынша ТЖД психологтары психологиялық көмек көрсетеді.
