Бас жаңалықтар
10 наурыз күніне арналған ауа райы болжамы
10 Наурыз 2019, 09:17 149

10 наурыз күніне арналған ауа райы болжамы

Астана, BAQ.KZ. Бүгін Қазақстанның басым бөлігінде атмосфералық фронталды бөліктердің өтуіне байланысты ауа райы құбылмалы болады. Бұл туралы «Қазгидромет» РМК хабарлайды.

Еліміздің оңтүстігі мен оңтүстік-шығысында жаңбырлы ауа райы болады. Кейбір аймақтарда тұман түсіп, көктайғақ болады және жел күшейеді. Солтүстік және солтүстік-батыста жаяу бұрқасын болады. Солтүстік Қазақстан, Қостанай облыстарының кей жерлерінде тұман түсіп, көктайғақ, бұрқасын болып, жел күшейеді. Түнде кей жерлер желдің екпіні секундына 15-20 метрге жетеді.

Ақмола облысының кей жерлерінде тұман түсіп, көктайғақ, күндіз бұрқасын болып, жел секундына 15-20 метр жылдамдықпен соғады. Батыс-Қазақстан облысының кей жерлерінде тұман түсіп, көктайғақ болады. Желдің жылдамдығы секундына 15-20 метрге жетеді.

Маңғыстау облысының кей жерлерінде тұман болып, күндіз жел секундына15-20 метр жылдамдықпен соғады.

Атырау облысының кей жерлерінде күндіз желдің жылдамдығы секундына 15-20 метр болады. Жамбыл, Қызылорда, Ақтобе, Павлодар, Қарағанды, Шығыс Қазақстан, Түркістан Алматы облыстарының кей жерлерінде тұман болады ықтимал.

Сізден жаңалық