Қазақстан мұғалімдерінің STEM жобалары еуропалықтарды тәнті етті

18 Қараша 2019, 20:43
4006
Бөлісу:
Қазақстан мұғалімдерінің STEM жобалары еуропалықтарды тәнті етті
PHOTO

Нұр-Сұлтан, BAQ.KZ. Португалияның Кашкайш қаласында "Болашаққа арналған дағдылар" атты білім фестивалі өтті. Ең ауқымды шаралардың бірі саналатын кездесуде әлемнің 36 мектебінен жиналған 450-ден астам мұғалім өздерінің жаратылыстану ғылымдары саласындағы инновациялық жобаларын ұсынды.

Қазақстандық мұғалімдер ұсынған жоба еуропалықтардың қызығушылығын туғызды. Қазақстан мұғалімдерінің құрамасы "Ғылымды оқытуда тұрақты даму", "Сандық сауаттылық және ғылымды оқыту", "Қолжетімжі және "қайта өңделген" ғылым", "Ерте жастан ғылымға баулу" санаттары бойынша STEM жобалар ұсынды. Аталған тақырыптар еуропалық педагогтардың зор қызығушылығын тудырды.

Қазылар алқасының шешімімен астаналық Назарбаев Зияткерлік мектебінің мұғалімдері Серік Мұқановтың пен Қымбат Дүйсенбаеваның "Air Garden" жобасы "Highly Commended Award" номинациясында үздік деп танылды.

ЧЕК1.jpg

Авторлардың айтуынша жоба биология, химия, физика, робототехника, құрастыру, дизайн пәндерін біріктіре оқыту тәсілдерін көрсетеді. Мұғалімдер өз жұмысында Lego EV3 микрокомпьютері мен түрлі заттардан жасалған автоматтандырылған автопондық қондырғының көмегімен өсімдіктерді тігінен өсіру процессін көрсеткен.

Жобамыз шетелдіктерді тәнті еткені қуантты. Бұл біз үшін күтпеген жайт болғаны рас. Бұл жеңісіміз алда өзге де инновациялық жобалалар ойлап табуға мотивация береді. Біріншіден Назарбаев Зияткерлік мектептерінің бізге осындай мүмкіндік сыйлағанына алғыс айқымыз келеді, - дейді Нұр-Сұлтан қаласындағы Назарбаев Зияткерлік мектебінің информатика пәнінің мұғалімі Қымбат Дүйсенбаева.

Жоба авторлары автоматтандырылған модель – ғылым мен техникалық пәндерді біріктіре оқытудың көрнекі құралы екеніне сенімді.

ЧЕК2.jpg

Өзгелердің жаңалығы