Несиесін уақытылы төлемегендердің қарызы 390 млрд теңгеден асты, деп хабарлайды BAQ.KZ.
Ұлттық банктің хабарлауынша, қарызды кешіктіретіндер биыл 11 пайызға өскен. Оның ішінде 327 млрд теңге тұтынушылық несие болса, 46 млрд теңге микроқаржы ұйымдарынан алынған. Ипотекалық қарыз 26 млрд 700 млн теңгеден асады.
Несиені уақытылы төлемегендердің көбі – Алматы тұрғындары. Олардың қарызы 164 млрд теңге. Шымкент, Астана қаласында да берешегін өтемей жүргендер көп.
