Наурызда Астанада ауа райы қандай болады? – Синоптиктер болжамы

«Қазгидромет» синоптиктері елордада наурыздың басы суық ауа райымен басталып, әрі қарай температура айтарлықтай көтерілетінін болжады, деп жазады BAQ.KZ тілшісі.

Айдың бірінші онкүндігі:

• Түнде: температура -19…-24 градустан -8…-13 градусқа дейін ауытқиды.

• Күндіз: -4…-9 градустан -3…+2 градусқа дейін жылиды.

• Одан кейін күн сәл салқындайды: түнде -13…-18, күндіз -3…-8 градус болады.

10-20 наурыз аралығы:

Біртіндеп жылыну болжанады.

• Түнде: -13…-18 градустан 0…-5 градусқа дейін.

• Күндіз: -3…-8 градустан +5…+10 градусқа дейін көтеріледі.

20 наурыздан кейін:

Температура құбылмалы болады:

• Түнде: 0…-5 градустан -8…-13 градусқа дейін төмендеуі мүмкін.

• Күндіз: +5…+10 градустан -3…+2 градусқа дейін ауытқиды.

Жауын-шашын және қауіпті құбылыстар:

Наурызда жауын-шашын мөлшері нормаға жуық (шамамен 20 мм) болады деп күтілуде. Ай бойы мынадай құбылыстар болуы мүмкін:

• Қар жаууы және жаяу боран.

• Аралас жауын-шашын (қар аралас жаңбыр) және көктайғақ.

• Желдің екпіні секундына 15–20 метрге дейін жетеді.

Айта кетейік, метеорологтар атмосфералық жағдайларға байланысты ауа райы өзгеруі мүмкін екенін ескертеді.