Нұр-Сұлтан, BAQ.KZ. Наразылық білдірушілер Канаданың премьер-министрі Джастин Трюдоға бірнеше ұсақ тас лақтырды, деп хабарлайды РИА Новости жергілікті CBC телеарнасына сілтеме жасап.
Бұл оқиға сайлауалды митингтен кейін, Трюдо автобусқа отырмақ болған кезде орын алғаны айтылады.
Телеарнаның хабарлауынша, бұл Либералдық партия көшбасшысының наразылық акциясымен бірге өтетін бірінші кездесуі емес. Бұған дейін наразылыққа байланысты митингтердің бірінен бас тартуға тура келді.
Global News хабарлағандай, тас лақтырған адамдар коронавирусқа қарсы вакцинацияға наразылық білдірді.
Канада 20 қыркүйекте мерзімінен бұрын парламенттік сайлауды өткізуді жоспарлап отыр.
