Мемлекеттік бағалы қағаздарға салынған шетел инвестициясы 1,1 трлн теңгеге жетті – Тимур Сүлейменов

International Conference KASE: Joining Tabadul Digital Hub іс-шарасында Ұлттық Банк басшысы Қазақстан нарығына инвесторлардың қызығушылығы артқанын айтты, деп хабарлайды BAQ.KZ.

Кейінгі бір жылда шетел инвестициялары 2 еседен көп өсіп, 1,1 трлн теңгеге жетті. 2022 жылғы сәуірде Қазақстанның мемлекеттік облигациялары FTSE Frontier Emerging Markets Government Bond Index құрамына кірді. Бұл Қазақстанның әлемдік қаржы нарығындағы орнын нығайтты, - деп мәлімдеді Ұлттық Банк басшысы.