Жаппай сырғанауды ұзарту туралы шешім Наурыз мерекесіне және алматылықтардың мұзда сырғанауға деген ерекше сүйіспеншілігін ескере отырып қабылданды, деп хабарлайды BAQ.KZ.
Алғашында маусым әдеттегідей 15 наурызда аяқталды. Дегенмен, биыл мереке күндері мен жоғары сұраныстың арқасында мұз айдыны тағы он күнге ұзағырақ жұмыс істейтін болды.
Мұздың сапасына әсер ететін күн қызуының жоғарылауына байланысты жаппай сырғанау тек кешкі уақытта жүзеге асырылады.
Жұмыс кестесі:
- Жұмыс күндері-17:00-ден 20:00-ге дейін
- Демалыс және мереке күндері – 17:00-ден 20:00-ге дейін және 21:00-ден 24:00-ге дейін
Алматының тұрғындары мен қонақтары маусымның соңғы күндерін тамашалауға және "Медеуге" ұмытылмас сырғанау кештерін өткізуге шақырылады.
Еске салайық, кешен 2025-2027 жылдары күрделі жөндеуге жабылады.
