Маңғыстау облысындағы тас жолда автокөлік қалың қарға батып қалды

Маңғыстау облыстық Төтенше жағдайлар қызметіне «Жаңаөзен – Құланды» тас жолында автокөліктің қарға батып қалғаны туралы хабарлама түскен, деп хабарлайды BAQ.KZ mangystaumedia.kz сайтына сілтеме жасап.

Дабыл бойынша Жаңаөзен қаласының 3 мамандандырылған өрт сөндіру бөлімінен қызметкерлер шақырылған орынға барған.

Олар «Toyota Xilux» маркалы автокөлігін сүйреп, қауіпсіз жерге шығарды. Автокөлік ішінде 5 адам, оның ішінде 2 бала болған, - деп жазылған хабарламада.