Маңғыстау облысында қайықтағы адамдар құтқарылды, деп хабарлайды BAQ.KZ Төтенше жағдайлар министрлігіне сілтеме жасап.
Ведомствоның мәліметіне сүйенсек, Ақтау қаласында ТЖМ қызметкерлері Каспий теңізінің жағалауынан 2 шақырым қашықтықта 20-25 жас аралығындағы 3 ер адамды құтқарып, жағалауға жеткізген.
Олар жүзу құралының қозғалтқышының ақаулығынан қайтып келе алмады. Медициналық көмек қажет болмады, - делінген ведомствоның ақпаратында.
ТЖМ еске салады:
- құтқару кеудешесін киіңіз;
- жүзу құралын ішімдік ішкен күйінде басқармаңыз;
- балаларды бір минутқа да көзден шығармаңыз.
