Маңғыстау облысында құтқарушылар жолаушылар мінген 13 жүк көлігін қар құрсауынан шығарды, деп хабарлады Төтенше жағдайлар министрлігі.
Кеше Маңғыстау облысының112 қызметіне қар құрсауында қалып қойып, өз бетінше шыға алмаған 13 жүк көлігі туралы хабарлама келіп түскен. Құтқарушылар Жетібай-Жаңаөзен тасжолының 204 шақырымына дереу жолға шықты.
Жүк көліктері жолдың тазартылған бөлігіне сүйреп шығарылды. Құтқарылғандарға медициналық көмек және эвакуация қажет болмады", - деп жазылған хабарламада.
ТЖМ ауа райы қолайсыз болып тұрғанда тек үлкен жолдармен жүру керек екенін еске салды.
