Франция Президенті Эммануэль Макрон Венесуэладағы алдағы өтпелі кезең бейбіт, демократиялық және халықтың еркіне негізделуі тиіс деп мәлімдеді, деп хабарлайды BAQ.KZ ТАСС агенттігіне сілтеме жасап.
Ол сондай-ақ Венесуэла Президенті Николас Мадуроны сынға алып, оның билікті басып алып, негізгі бостандықтарды таптап, халық қадір-қасиетіне үлкен зиян келтіргенін айтты.
Макрон бұл кезеңде Францияның аймақтағы серіктестерімен келіссөздер жүргізіп жатқанын атап өтті. Ол Франция азаматтарының қауіпсіздігін қамтамасыз ету мақсатында елдің толық жұмылдырылғанын және сергек екенін жеткізді.
