Магистратура бойынша мемлекеттік білім гранты иегерлерінің есімдері белгілі болды
<h4>Нұр-Сұлтан, BAQ.KZ. 2021-2022 оқу жылына арналған магистратура бойынша білім гранттары иегерлерінің тізімі жарияланды. Комиссия құрамында мемлекеттік органдар мен үкіметтік емес ұйымдардың өкілдері, журналистер, Қазақстан студенттерінің Альянсы және «Отандастар» қорының өкілдері болды.</h4>
20 Тамыз 2021 2021, 17:48
Нұр-Сұлтан, BAQ.KZ. 2021-2022 оқу жылына арналған магистратура бойынша білім гранттары иегерлерінің тізімі жарияланды. Комиссия құрамында мемлекеттік органдар мен үкіметтік емес ұйымдардың өкілдері, журналистер, Қазақстан студенттерінің Альянсы және «Отандастар» қорының өкілдері болды.
Білім беру гранттары кешенді тестілеу (КТ) нәтижелері бойынша конкурстық негізде берілді. Айта кетейік, өткен жылмен салыстырғанда оқуға түсушілер саны 2 мыңға артып, тестілеуге 36 мың адам қатысты.
Магистратура бойынша білім беру гранттарын тағайындау конкурсына 75-тен астам балл жинаған оқуға түсушілер өтініш берді.
Естеріңізге сала кетейік, биыл ғылыми-педагогикалық магистратураға 12 329 грант және бейіндік магистратураға 500 грант бөлінді. «Шет тілі мұғалімдерін даярлау», «Ақпараттық технологиялар», «Математика мұғалімдерін даярлау» және «Құқық» бағыттары сұранысқа ие болды.
Барлық грант иегерлері 28 тамызға дейін жоғары оқу орнының виртуалдық қабылдау комиссиялары арқылы жоо-ға құжаттарын тапсыруы тиіс. Мемлекеттік білім гранты иегерлерінің тізімімен ҚР БҒМ Telegram-арнасы арқылы танысуға болады.
