Астана, BAQ.KZ тілшісі. ҚР Ұлттық банкінің төрағасы Данияр Ақышев мемлекет басшысы Нұрсұлтан Назарабаевтың қатысуымен өтіп жатқан Үкіметтің кеңейтілген отырысында банк секторын сауықтыру бойынша атқарылып жатқан жұмыстарды атады.
«Бірінші бағыт – банк секторын сауықтыру. Былтыр «Халық банк» пен «Казкомның» бірігуі банк секторындағы басты оқиға болды. «Халық банк» қазір елдегі банк секторының 34% құрайды. Бұл жақсы құбылыс, себебі Ұлыбритания, Италия, Швейцария, Франция, Ресей секілді әлемнің көптеген елінде нарықтың 30% алатын банктер бар. Шетелдік ойынщылармен ішкі нарықта да, сыртқы нарықта да бәсекелесе алатын Қазақстанға ірі қаржы институт қажет», - деді Ақышев.
Ұлттық банк төрағасы нарықтан әлсіз ойыншыларды шығару жұмыстары жалғасатынын айтты.
«Былтыр үш банктің лицензиясы алынды. Ол банктерді жабудың процестері аяқталып қалды, азаматтарға депозиттегі қаржыларын төлеу басталды», - деді Ақышев үкіметтің кеңейтілген отырысында.
Бүгін мемлекет басшысының қатысуымен Үкіметтің кеңейтілген отырысы өтуде. Онда Назарабаев 2018 жылы экономиканың барлық саласында жақсы көрсеткіштер болғанын атап өтті. Сондай-ақ, бұған дейін ҚР Премьер-министрінің орынбасары Ерболат Досаев «7-20-25» бағдарламасы бойынша 3600 несие берілдігін және Жастар жылына 100 млрд теңге бөлгендігі туралы жазғаз болатынбыз.
