Алматы, BAQ.KZ. Сарапшылар әлемдегі жалақысы ең жоғары қалаларды атады. Бұл жайында Deutsche Bank зерттеулеріне сілтеме жасай отырып Bloomberg хабарлады.
Аталған рейтингте Сан-Франциско қаласы көш бастап тұр. Бұл қала бірінші рет осы тізімде алға шығып отыр. Сан-Францискодағы орташа жалақы салықты қоса есептегенде айына 6,52 мың долларды құрайды.
Бұған дейін осы тізімде Цюрих қаласы бірінші болып тұрған. Ондағы орташа жалақы Сан-Францискоға қарағанда 400 долларға кем.
Үшінші орында Нью-Йорк қаласы тұр. Ондағы орташа айлық жалақы 4,6 мың долларды құраған. Ал Бостан қаласы төртінші орында (4,28 мың) болса, Чикаго тізім бойынша бесінші тұр (4,06 мың доллар).
