USD 335.61 EUR 361.32 RUB 5.26
Astana:

ŞQO awıldıq awrwxanalarınıñ jabdıqtarı jañartılatın boladı

Şığıs Qazaqstan oblısınıñ awıldıq därigerleriniñ sapalı medïcïnalıq kömek körsetwine jäne awrwlardı waqtılı anıqtawına jaña medïcïnalıq jabdıqtar öz septigin tïgizbek. Jıl soñına dey`in «Parız» qay`ırımdılıq qorınıñ qarjısına eki mıñğa jwıq türli texnïka birligi satıp alınadı.

Bul jöninde ŞQO depwtattarınıñ jäne Qoğamdıq keñes müşelerimen ötken keñeste belgili boldı. Anıqtalğanday`, Şığıs Qazaqstannıñ 80 pay`ız awrwxanaları qajet jabdıqtarmen qamtılğan. Key`bir awrwxanalarda ötken ğasırdıñ 70-şi jıldarında şığarılğan texnïka qoldanılıp jür.

Bul jağday` oblıs äkimi Danïal Axmetovtıñ bergen tapsırmasımen öz şeşimin taptı. Yağnï awıldıq jerlerde sapalı medïcïnalıq kömek körsetilw üşin qural-jabdıqtardı jañartw qajettiligi. Medïcïnalıq mekemelerge bir jarım mïllïardtı quray`tın eki mıñday` türli texnïkalıq jabdıqtar qajet. Qarjı «Parız» qay`ırımdılıq qorımen bölinetin boladı.

Atalmış qajettilikti anıqtaw kezinde ŞQO densawlıq saqtaw basqarması ärbir medïcïnalıq mekemede texnïkamen qoldana alatın mamandar tizimin eskergen.

- Mamandardardıñ mümkindigin eskere otırıp, qajettilikti anıqtadıq. Kürdeli jabdıqtar mamandar jumıs istey` alatın mekemelerge satıp alınatın boladı. Bügingi tañda awıldıq därigerler köbinese genekologïyağa qajet qarapay`ım däriger qobdïşasına, tarazı men ölşew jabdıqtarına zärw. Onımen ärbir medïcïna qızmetkeri qoldana aladı, - dedi ŞQO densawlıq saqtaw basqarma basşısınıñ mindetin atqarwşı Ğalïya Jwasbaeva.

Ay`ta ketsek, ŞQO-da däriger mamandar tapşılığı 103 adamdı qurap otır, onıñ işinde 22-si awıldıq jerlerge qajet. Bügingi tañda joğarı suranısqa ïe mamandar, olar – akwşer-gïnekologtar, anestezïologtar jäne säwleli terapïya mamandarı. Bïılğı jılı medïcïnalıq oqw orındarınıñ 89 tülegi Şığıs Qazaqstannıñ awıldarına jumısqa ornalastı, onıñ 9-ına qızmet päterleri berildi, 9-ı nesïe alıp, 47-i älewmettik paketke ïe boldı.

Kommentarïï0

Vaş kommentarïy` bwdet opwblïkovan posle moderacïï