USD 336.23 EUR 360.3 RUB 5.28
Astana:

Aqtöbede tuñğış ret gir köterwden Älem çempïonatı ötedi

Oblıs äkimi Berdibek Saparbaevtıñ törağalığımen öñirde sporttı damıtw jäne gir köterwden älem çempïonatınıñ ötkizilwine day`ındıq jumıstarı boy`ınşa jïın ötti.

Qazirgi küni oblıs turğındarınıñ 26,9 pay`ızı sportpen turaqtı türde şuğıldanadı. Bïıl sport salasına 5132,0 mln. teñge bölindi. Onıñ işinde «Aqtöbe» fwtbol klwbına 2 mlrd teñge qarjı qarastırılğan. Alay`da elimizde, älem boy`ınşa ötkizilgen şaralarda Aqtöbe oblısı jaqsı körsetkişterge jete almay` keledi. Mäselen, 2013 jılı medalʹdar sanı 489 bolsa, 2015-te 441 medalʹdi enşilegen.

«Eñ negizgisi buqaralıq sporttı damıtw mañızdı. Awdan äkimderimen birge, federacïyamen birlesip jumıs jasaw kerek. Barlıq alañdar bar, salınıp ta jatır. Sonı biz durıs äri tïimdi pay`dalanwımız qajet. Är türli sporttıq şaralardı köbey`tsek, sportqa qızığwşılardıñ sanı köbey`edi. Sportpen şuğıldanwşı jastarımızdıñ qatarı köp bolsa, tärtipbuzwşılıq ta azayadı. Özge öñirlerge ketip qalğan bapkerler men sportşılardı şaqırwımız qajet. Olardıñ barlıq jağday`ın jasap, solarmen birge jumıs istewdi tapsıramın», - dedi Berdibek Saparbaev.

Ay`maqta 2012 jıldan beri älem çempïonatı uy`ımdastırılmağan. Bïıl älemniñ 35 elinen 450 gir köterw sportınıñ may`talmandarı keledi dep kütilwde. El namısın 54 sportşı qorğay`tın boladı. Olardıñ qatarında älemniñ 12 dürkin çempïonı Evgenïy` Gonçarov ta bar.

20 tamızdan bastap çempïonattıñ ötkizilwi boy`ınşa «Qonıs» sport saray`ında ştab jumıs jasawda. Ştab quramına oblıstıq federacïya ökilderi men dene şınıqtırw jäne sport qızmetkerleri kiredi.

Oblıs äkimi şaranıñ ötetindigi jöninde xabarlandırwlardıñ da durıs jürgizilmey` jatqandığın sınğa alıp, sport basqarması basşısına xalıq arasında aqparattıq jumıstarın keñinen jürgizwdi tapsırdı.

Ay`tıp ötey`ik, gir köterwden älem çempïonatı bïılğı jılğı 26-30 qazan aralığında «Qonıs» sport saray`ında ötedi.

«Aqtöbe aqparat» ortalığı

Kommentarïï0

Vaş kommentarïy` bwdet opwblïkovan posle moderacïï