USD 336.23 EUR 360.3 RUB 5.28
Astana:

«Abay`dıñ aqın şäkirtteri» attı körme aşıldı

Abay`dıñ «Jïdebay`-Börili» memlekettik tarïxï-mädenï jäne ädebï-memorïaldıq qorıq-murajay`ında qazan ay`ınıñ 14 küni «Abay`dıñ aqın şäkirtteri» körmesi aşıldı. Körme ulı aqın Abay` Qunanbay`ulınıñ şäkirtteri – Ärip Täñirbergenulınıñ (1856-1924) – 160, Kökbay` Janatay`ulınıñ (1861-1925) – 155, Aqılbay` Abay`ulınıñ (1861-1904) – 155, Äwbäkir Aqılbay`ulınıñ (1881-1934) – 135, Şäkir Äbenulınıñ (1901-1994) – 115 jıldığına oray` uy`ımdastırılıp otır.

Körmeniñ negizgi maqsatı – Abay`dıñ aqındıq mektebiniñ talanttı ökilderiniñ şığarmaşılıq murasın nasïxattaw, mwzey` qorındağı qundı jädigerlerdi, qoljazba, estelikterdi, kitaptar, arxïv derekteri men fotoswretterdi körermen nazarına usınw.

Abay`dıñ aqındıq mektebi büginde qazaq ädebïeti tarïxında özindik ornı bar erekşe uğım. Abay` öz şäkirtterin tärbïelep, olarğa ömirdegi adamşılıq maqsattı tüsindirip, sol jolğa bawlıp ösïet, aqıl ay`twğa arnalğan ömir kezeñderin öziniñ eñ qımbattı, eñ mağınalı waqıtım dep eseptegen. Osı qundılıqtardı körme arqılı körsetip, urpaq zerdesine siñirw bastı nazarğa alınğan.

Körmede qazaq ädebïetiniñ körnekti abay`tanwşı ğalım-zerttewşileri M.Äwezov, Q.Muxamedxanovtıñ kitaptarı, zerttew jumıstarı men monografïyaları bastı nazarğa alındı.

Körmeniñ erekşeligi – körermenderdi mwzey` qorınıñ qundı jädigerlerimen tanıstırw. Mısalı, Ärip, Kökbay`, Aqılbay`, Äwbäkir, Şäkirge qatıstı sïrek kezdesetin qoljazbalar, Ä.Täñirbergenulınıñ Eñirekey` bolısına bï, bolıs bolıp say`lanğanı twralı arxïv qujattarı, Aqılbay` Abay`ulınıñ «Dağıstan» poémasınıñ qoljazbası, Kökbay` Janatay`ulınıñ «Qandıjap» dastanınıñ qoljazbası, Äwbäkir öleñderiniñ qoljazbası, Aqılbay` zamandastarınıñ estelik qoljazbaları, aqın Ş.Äbenulınıñ jeke zattarı körmege qoy`ıldı.

Kommentarïï0

Vaş kommentarïy` bwdet opwblïkovan posle moderacïï