USD 335.71 EUR 357.36 RUB 5.23
Astana:

Däwren Abaev «Azamattarğa arnalğan ükimet» qızmetkerlerin marapattadı

Bügin Qazaqstan Respwblïkasınıñ Aqparat jäne kommwnïkacïyalar mïnïstri Däwren Abaev «Azamattarğa arnalğan ükimet» memlekettik korporacïyası» kommercïyalıq emes akcïonerlik qoğamın qurwğa elewli üles qosqan memlekettik qızmetşilerdi marapattaw şarasına qatıstı, dep xabarlay`dı vedomstvo baspasöz qızmeti.

Mïnïstr atap ötkendey`, bul saltanattı şara vedomstvonıñ osı jılğı jumısınıñ arqawı bolğan - Täwelsizdiktiñ 25 jıldığı qarsañında ötkizilwde.

«Täwelsizdik - xalqımızdıñ eñ asıl qundılığı. Onı nığay`tw - Elbasınıñ memlekettik bağdarınıñ negizi. Osı bağdardıñ eñ mañızdı salalarınıñ biri - azamattarğa qızmet etetin memleketti qurw. Osı mindetti jüzege asırwda «Azamattarğa arnalğan ükimet» ay`rıqşa röl atqaradı», - dedi Däwren Abaev.

«Azamattarğa arnalğan ükimet» memlekettik korporacïyası «100 naqtı qadam» Ult josparına säy`kes qurılğan bolatın. Ol ağımdağı jılğı 7 säwirden bastap iske qosıldı. Memkorporacïya quramına «Jer kadastrınıñ ğılımï-öndiristik ortalığı», «Jıljımay`tın mülik ortalığı», «Zey`netaqı tölew jönindegi memlekettik ortalıq» jäne «Xalıqqa qızmet körsetw ortalığı» kirdi. Qazirgi waqıtta jalpı memqızmettiñ tizbesinde bolğan 739 qızmet türiniñ 530-ın azamattar Memkorporacïya arqılı ala aladı. Osı jıldıñ mamır ay`ında ötken Vedomstvoaralıq komïssïya otırısınıñ xattaması boy`ınşa tağı 53 memqızmet Memkorporacïyağa beriledi.

inform.kz

Kommentarïï0

Vaş kommentarïy` bwdet opwblïkovan posle moderacïï