USD 335.71 EUR 357.36 RUB 5.23
Astana:

Arıstanbek Muxamedïulı: Fey`sbwkke keşki waqıtta kiremin

Senbi küni Fey`sbwk älewmettik jelisine tirkelgen QR Mädenïet jäne sport mïnïstri Arıstanbek Muxamedïulı keşe paraqşasın jawıp tastağan edi. Ükimet otırısınan key`in jwrnalïster qawımı mïnïstrden munıñ sebebin suradı, dep xabarlay`dı Baq.kz tilşisi.

«Eki künnen key`in qay`ta aşamın. Fey`sbwktegi paraqşamdı özim jürgizemin. Senbeseñizder, kelip körwleriñizge boladı. Al älewmettik jelige, negizinen, keşki waqıtta kiremin»,-dedi Arıstanbek Muxamedïulı.

Esteriñizge salıp ötsek, keşe Arıstanbek Muxamedïulınıñ Fey`sbwktegi paraqşası eki kün bolmay` jatıp jabılıp qalğanın xabarlağan bolatınbız.

26 qaraşada QR Mädenïet jäne sport mïnïstri Arıstanbek Muxamedïulı Fey`sbwk älewmettik jelisinde jeke paraqşasın aşqan bolatın.

«Qadirli dostar! Men mädenïet pen sportqa qatıstı naqtı aqparattardı böliswge, sonday`-aq, osı saladağı barlıq mañızdı mäselelerdi talqılaw üşin Facebook älewmettik jelisinde paraqşa aşwdı jön kördim. Sonımen qatar, osı paraqşa arqılı jas rejïsserlermen, swretşilermen, ärtistermen, änşilermen jäne de köptegen darındı tulğalarmen tildeswge äri bay`lanıs ornatwğa day`ınmın. Sebebi bizdiñ qasïetti jerimiz talanttı jandarğa kende emes. Özimniñ dostarıma sapalı «keri bay`lanıs» pen qoldaw bildirgenderi üşin zor alğısımdı bildiremin. Barlıq oy`-pikirlerdi jeke özim oqwğa jäne mümkindiginşe jawap berwge tırısamın», -dep jazğan bolatın mïnïstr.

Arıstanbek Muxamedïulı sonday`-aq Fey`sbwktegi paraqşasın jeke özi jürgizip otırğanın ay`tıp, pikir bildirwşilerdi jön-josıqsız sözderdi jazbawğa şaqırğan edi.

Kommentarïï0

Vaş kommentarïy` bwdet opwblïkovan posle moderacïï