USD 336.23 EUR 360.3 RUB 5.28
Astana:

21 qaraşadan bastap eski kölikterge aqşalay` ötemaqı beriledi

«Öndirwşilerdiñ keñey`tilgen mindettemeleri» JŞS tozığı jetken kölik quraldarın joyuğa arnalğan bağdarlama day`ındağan. Onıñ ayasında jeke jäne zañdı tulğalardıñ eski avtokölikterine tölenetin qarjılay` ötemaqı soması kelisildi. Bul twralı kompanïyanıñ atqarwşı dïrektorı Sergey` Yurça ay`ttı, dep xabarlay`dı Baq.kz tilşisi.

«Bul bağdarlama 21 qaraşa küni bastaladı dep josparlap otırmız. Osı rette ay`ta ketey`in, Qazaqstannıñ 17 qalasında eski kölikterdi qabılday`tın beket jumıs istey`di. Bağdarlamanı jüzege asırw barısında 10 mıñ eski kölikti joyu közdelip otır. Turğındar M1 sanattağı (jeñil avtokölik, 3,5 tonnadan aspay`tın jeti orınğa dey`ingi texnïkalar) köligin joyuğa tapsırıp, ornına aqşalay` ötemaqı aladı», -dey`di Sergey` Yurça.

Onıñ ay`twınşa, joy`ılatın avtokölikter eki sanatqa bölinedi eken. Olarğa tölenetin ötemaqı kölemi de är türli.

«Tolıq jïıntıqta bolsa, 150 mıñ teñge, al avtokölik jürmese (kölik şanağı, esigi, qozğaltqış, berilis qorabı bolwı kerek) 48 mıñ teñge beriledi. «ÖKM operatorı» JŞS QR Énergetïka mïnïstrligi jäne Qazaqstan avtobïznes qawımdastığımen birlesip jumıs istep jatır. Yağnï atalğan vedomstvolarmen birlesip, jeke jäne zañdı tulğalarğa sertïfïkat alw üşin qarjı bölwge mümkindik beretin qoldanıstağı zañnamanı jetildirw mäselesin qarastırwdamız. Bul sertfïkat otandıq avtoöndirwşilerden jaña ékologïyalıq taza kölik quraldarın satıp alwğa jeñildik beredi», - dey`di ÖKM ökili.

Kommentarïï0

Vaş kommentarïy` bwdet opwblïkovan posle moderacïï