USD 335.71 EUR 357.36 RUB 5.23
Astana:

Tağılımı mol ustaz!

Qazirgi zamanda ärkim är närsemen maqtanıp jatadı. Birew bälkim - köligimen, birew bälkim - özge elde bilimin tolıqtırwımen , endi biri – öziniñ erekşelikterimen. Men de bir maqtanıp körey`inşi. Ärïne, meniki qarapay`ım dersiz, degenmen meniñ maqtanışım – özgeşe, öy`tkeni men özimniñ jaqsı köretin ustazımmen maqtanamın!

Qus şarlap aspandı,
Küz ay`ı bastaldı.
Birinşi qoñıraw
Oqwdı bastadı.

Alaqay`, keliñder:
Klasqa eniñder.
Balalıq ömirdiñ
Baqıtın köriñder! –

dep bastalatın öleñ joldarı bärine tanıs bolar. Ärïne bul kisini tanımay`tın adam joq şığar. Balalar ädebïetinde özindik oy`ıp turıp alar ornı bar, aqın, professor, ğalım – ustaz - Ädibay` Tabıldïev. Mine, osı kisiniñ äserli äñgimelerin, därisin tıñdadım dep maqtanğalı otırmın!

Qara şañıraq Qazaq ulttıq wnïversïtetinde bilim şıñdaw bir baqıt bolsa, ğalım-ustaz Ä. Tabıldïevtiñ därisin tıñdaw öz aldına bağımızdıñ janğanı dep bilemin.

Üstine tap-tuy`naqtay` qılıp kïgen kostyum şalbarımen nıq basıp däris zalına kirip kele jatırğan 90 jastağı kisini köz aldıñızğa elestetiñiz. Jasın 90 da dep ay`tqanımmen qïmılı öte şïraq kisi. Däris zalına kirip kelip, qoldarındağı kitaptardı üsteliniñ üstine asıqpay` qoy`ıp, qır tüspegen sur kostyum qaltasınan ıñğay`lı, şağın tarağın alıp, talay` jılğı eñbektiñ, asqan danalıqtıñ, ädemi qarttıqtıñ belgisindey` bolğan aq tüsken qoyu şaşın sänin keltirip artqa qaray` tarap, tüzep, bir külip aladı. Däl osı sätte onıñ osı bir qïmılın jattap alğan swtdentter, belgi berilgendey` bir mezette orındarınan turadı. Ertegilerde ay`tılar, köpti körgen dana qarttardıñ bey`nesindey` jarqın jüzdi osı kisi däl sol sätte öziniñ qoñır dawsımen «Amansıñdar ma?!» dep awdïtorïyadağı stwdentterge sälem beredi. Qalıptasqan dästürmen osını kütip turğan stwdentter jarqın dawıstarımen, bir demmen: «Armısız, USTAZ!» dep özara sälemdesip alğannan soñ, üy`reteri köp, tağılımdı, kezekti bir däris bastalıp ta ketedi.

Ä.Tabıldıulı bizge «Étnopedagogïka» kwrsı boy`ınşa öziniñ bar bilgenin üy`retip, däris oqığan bolatın. Qazaq étnopedagogïkasınıñ negizin salwşı retinde ğalımnıñ öz awzınan osı kwrs boy`ınşa däris tıñdaw bizdiñ bolaşaq qazirgi zamanda maman retinde qalıptaswımıızğa öz negizin saldı dep oy`lay`mın.

Öz aramızda Ä. Tabıldıulın «Atamız» dep ay`tıp alğanbız. «Erteñ atanıñ sabağına baray`ıq» dep tobımızben birge mäz-mey`ram bolamız.

Däris barısında qazaq ultınıñ erekşeligi, tazalığı, mädenïeti jay`lı äñgime qozğalsa, ne bolmasa suraqqa jawap berip turğan stwdent qazaq ultınıñ salt-dästürleriniñ erekşeligin sïpattap berse Atamız tarapınan anıq, qoñır dawıspen : «Dw qol şapalaq!» degen söz estïsiz. Däris zalında osı kezde maqtanıştıñ , ultjandılıqtıñ körinisi seziledi. Sizge sol sözdi estip körw kerek. Ol kisiniñ awzınan ünemi ultımızdıñ ulıqtığın, danalığın estip jüremiz. Däris zalında qazaqtıñ qara köz qızdarı köp otıramız, osığan oray` atamız da bize «ay`nalay`ın, qaraqtarım, sender eldiñ, ulttıñ bolaşağısıñdar, ulttıñ ay`nası özderiñ» dep bizge ünemi aqılın ay`tıp otıradı. Qız tärbïesine qatıstı qazaq xalqınıñ danalığın, onıñ özi bir ülken mektep ekenin de atamızdıñ awzınan jïi estïmiz.

Bul kisiniñ esimi mektep qabırğasında oqıp jürgen kezde tanıs bolatın. Balalar ädebïetinde özindik ornı bar dep bilemin. Ol kisiniñ «Qoyan qalay` noyan boldı», «Sırlı qala», «Ğarışqa sayaxat», «Tañğajay`ıp ertegi» sekildi ertegileri esimde qalıptı. Odan bölek aqınnıñ mektep bağdarlamasındağı oqwşığa tüsinikti, ay`qın etip şığarılğan öleñderi de öz aldın bölek äñgime. Sonımen qatar Ä. Tabıldıulınıñ jumbaqtarı da bar ekeni köpşilikke mälim.

Ğalım-ustazdıñ öz boy`ına jïnağan joğarı bilimdilik, ultjandılıq, öskeleñ urpaqtı tärbïelewdegi jawapkerşiligi bergen ärbir däristerinde bay`qalıp turatın. Öskeleñ urpaqtı bolaşaqta tärbïeley`tin mamandar bolğannan soñ ärbir däriste bala tärbïelewde ulttı tärbïelep jatqanımızdı umıtpawdı ünemi esimizge saladı.

Kommentarïï0

Vaş kommentarïy` bwdet opwblïkovan posle moderacïï