USD 335.71 EUR 357.36 RUB 5.23
Astana:

Oy`lağanı - el qamı

Sälem al ülken-kişi, köz körgenim,
Istıqsıñ tuñğışımday` kez kelgeniñ.
Awılda besik jırmen awızdandım,
Sol jır ğoy` asılım dep öñgergenim.
Jürekti alawlattı, kümbirletti,
Täwelsiz Qazaqstanım, qudiretti.
Elbası alıp şıqtı qıl köpirden,
Birlik pen ıntımaqqa burdıq betti.

Elimizdiñ Tuñğış Prezïdenti dünïege kelgen ayaday` meken mağan da qadirli – Üşqoñır awılı. Elbası bastan ötkergen şejireli jıldardıñ ay`tar sırı da, şerter jırı da köp. Awıldas zamandaspen bay`lanıstıratın tarïxtıñ ğajay`ıp tustarında el közine ilikken elewli eñbegimmen elw eki jıl üles qosqanıma rïza-qoşpın. Qaskeleñde Nurekeñ tamamdağan Abay` atındağı altın uya ïnternat-mektebimnen armannıñ aq jalına, jarqın bolaşaq saparına men de attandım, ustazdıqtı tañdadım. ...Sizdermen bir bas qosqan sol tañ mağan, Äw basta muğalimdik jol tañdağam. Osılay` jïın-toy`men, dürmekpenen, Ömirim ötse ötsin şoltañdağan. Bul bir ay`tısta ay`tqanım eken. Şınım, egdelikke jetkizgen, ülkenim, aqınım degizgen ärbir künim toy` bolıp ötken baqıttı adammın. Qoğamdıq ömirge qızw aralasıp, delegat bolıp, depwtat bolıp şapqılap jürgen şaqtarımda Elbasımen jüzbe-jüz kezdeswdiñ umıtılmas birneşe säti tüsti. Qazaqstan Kompartïyası Ortalıq Komïtetiniñ birinşi xatşısı bolıp qızmetke kiriskennen key`ingi alğaşqı kökteminde aqın, änşi, jazwşı, eñbek ozatı desken qız-kelinşekterdiñ basın qosıp, mey`ramımızben quttıqtap, qïlı da qïın tarïxï kezeñdegi jawapkerşilik jay`ında oy` bölisip, sıy`-sïyapatpen qay`ırğanı – ermiz degen otağamızdan da az köretin jılılıq edi köñilimizdi asqaqtatqan. Jäne bir kezdesip, jüzdesken sätim – egemen qazaq eliniñ bir jıldığı atalatın jïınğa şaqırılğanda jırımdı tögip, quttıqtağanım äli esimde. Ol tusta (1989- 1994 j.j.) Almatı oblıstıq Keñesiniñ depwtatımın, birer öleñ kitaptarınıñ ïesimin, ay`tıstağı jeñimpaz aqın atımız mıqtap ornıqqan kez. Jambıl atamız inisindey` körgen Qazaqstannıñ xalıq aqını Ümbetälige arnay`ı mwzey` aşılıp, abıroy`ım asqaqtağan jıldarım edi. «Jazmıştan – ozmış joq» dep xalıq tegin ay`tpağan. Joğarı bilimdi, küy`ewge uzatılğan jïırma bir jasar qızım Qarlığaş ayaqastı sal dertine (paralïç) dwşar boldı. Germandıq därigerler emdemek bolıp, qol uşın sozdı. Gazet arqılı el- jurtqa jügindim. Jağday`ımdı ay`tıp, kömek surağan jırlarım basıldı. Eñ aldımen Nurekeñniñ bäy`bişesi Sara xanım xabarlasıp, elimizdiñ qısılşañ keziniñ özinde kömek uy`ımdastırdı. Şïrek ğasır qolarbağa tañılğan sol Qarlığaşım bul künde Qazaqstan Jazwşılar odağınıñ müşesi, orıs tilinde jazatın aqın. «Poedïnok s swdʹboy`» attı jaña kitabı baspadan şıqpaqşı. Osı jılğı qaraşanıñ 12-de kembağal toğız qız qatısqan «Ulı dala xanşay`ımı» attı bay`qawda körkimen de, önerimen de köpşiliktiñ nazarına tüsti. Öz öleñderin naqışına keltire oqıp, körermenniñ alğısına bölendi. Ekinşi orındı ïelendi. Qarlığaşımnıñ jüregine jır uyalatqan Elbasınıñ, azat Otanımızdıñ, qazaqtıñ bïik rwxı ğoy`.

1996 jılı ulı Jambıl babamızdıñ 150 jıldıq merey` toy`ına Nurekeñniñ sınıptastarı tügel şaqırıldı. Üy` ïesi, Jäkeñniñ kelini bolıp qızmet ettim. Toy`dan bir kün burın jetken sınıptastar sol kezdegi «Beriktas» şarwaşılığınıñ dïrektorı, marqum Müsimxan Qïsıqov day`ındağan aqşañqan, äşekey`li kïiz üy`ge tüsti. Toy` keremet ötti. Batıs jaq altın künniñ qızıl şapağına boyanğan sätte Nurekeñ qurdastarı bas qosqan otawğa qızı Darïğa men Sara xanımın ertip keldi. Dombıranı serik qıp, quttı bolsın jırımdı şaşw ettim. Qurdastar balalıq şaqtarın, qızıqtı sätterin eske tüsirdi. Nurekeñniñ köñili alawlap, jastıq şağımen qay`ta qawışqanday`, qay`ta tülegendey` küy` keşti. Dombırama qolın sozıp, Arqanıñ keñ tınıstı änin şırqadı. Erkin otırıp, än salıp, jarasımdı äzil-qaljıñdar ay`tıldı. Eskertkiş retinde swretke tüstik. Nurekeñ ustağan dombıra şañırağımızdıñ erekşe jädigeri, törimizdiñ säni, babında tur. Añızğa ay`nalğan kezdeswdiñ äseri küni bügingidey` jadımda. Elimiz köleminde atalıp ötiletin ay`twlı merekelerdiñ eşbirinen şet qalmay` şaqırılamın. 2010 jılı jetpiske tolğan şağımda Elbasınıñ qolınan «Qazaqstannıñ eñbek siñirgen qay`ratkeri» atağın aldım. Prezïdent Nurekeñ kökiregime belgini tağıp, quttıqtap bolğan soñ: «Elge sälem ay`t! Jurtıma sälem de», – dedi. Tolqıp kettim. Sağınışın añğardım. «Bir awız söz ay`tsam bola ma?» – dep ruxsat surağanımda basın ïzedi. Minberge köterilip, osı mana ğana Aqorda törinde qurağan «Däwir ulı» attı öleñimdi oqıdım. Jer üstin tügel tañğaltqan, Qazağım, ardaq, maqtanım! El köşin tüzep, ağartqan Şaşıñnıñ süy`dim är talın! Elbası Nursultan Äbişulı şañırağımızdıñ ağası, atası, janaşırı, aqılşısı. Az waqıtta köp is tındırğan dana, dara basşımız. Älemdik köptegen qawımdastıqqa müşemiz. Ay` men Küni jarqırağan iri memlekettermen elşilik qatınasta bolıp, terezemiz teñ elge ay`naldıq. Şetel qay`ratkerleri qatınap, qazaq xalqınıñ bereke, näsibin älemge tanıtar söz ay`tıp jatır. ...Şükir-aw, erekşemiz külli jurttan, Quraldıq qır gülindey` türli ulttan. Kewdege jaz ornatıp, nur jay`latıp, Kün şıqtı masay`ratıp külip bulttan. Egemen, ıntımaqtı, tatw-tätti, Xalqımız Elbasına senim arttı. El qamın oy`lağan erdiñ ümiti de, süy`enişi de – el-jurtı.

Amandıq tilewşi – Nadejda lWŞNÏKOva, aqın,

Qazaqstannıñ eñbek siñirgen qay`ratkeri, Jambıl awdanınıñ qurmetti azamatı.

Kommentarïï0

Vaş kommentarïy` bwdet opwblïkovan posle moderacïï