USD 334.89 EUR 361.61 RUB 5.28
Astana:

Mañday` termen kelgen tabıstıñ kïesi urmasın

Foto: onlinegamblinggamessites.co.uk

Köpten körispegen qurdasımdı kezdey`soq jolıqtırğan edim. Amandıq-sawlıq surasqannan key`ingi äñgimemiz bügingi jasap jürgen tirşiligimizge qaray` oy`ıstı. Tanısım öziniñ «olïmpke» aqşa tigip, mol oljağa kenelip jürgenin mağan maqtanışpen jetkizdi. «Olïmp» dep otırğanımız soñğı waqıtta şıqqan qumar oy`ınnıñ bir türi ekenin, ülken kisiler jağı onşa bile bermewi mümkin. Endeşe män-mağınasına toqtala ketsem. Ülken qalalardağı bwkmekerlik keñselerdiñ janınan jasıl, qızıl jolaqtı bïlbordtardağı sporttıq swretterdi keziktirip jürgen şığarsızdar. Sol osınaw qumar oy`ınğa jasalınğan jarnama dep uğınıñız. Onday` dünïelerdiñ bizdiñ awdanımızğa jetkenine de birşama waqıtqa ayaq bastı. Esin bilgen baladan, jigit ağasına dey`in sonıñ ay`nalasında desek artıq ay`tqandıq emes. Bul burınnan qalıptasqan bäs tigwdiñ säl özgergen yağnï zamanğa bey`imdelgen türi degenge sayadı.

Mäselen, ït talasın tamaşalap otırıp «qazaqı töbetten nemistiñ sarı ovçarkası basım tüsedi nemese alamanda küreñtöbel tulpardı bozqasqa at şañ qaptıradı» degen aldın ala jasağan boljamıñız sıñay`lı. Al qazirgi tañda osınday` oy`ındardıñ işindegi eñ tanımalı da, jastardıñ köp bäs tigetini de älemdegi birinşi oy`ın sanalatın fwtbol bolıp tur. Ayaqdopşılardıñ oy`ının qarap otırıp «mına fwtbolşı osı oy`ın barısında mınanday` waqıtta qarsılas komandağa gol saladı» degen joramalıñız döp şıqsa «qanjığam may`landı» dey` beriñiz. Bul jüziktiñ közinen ötetindey` key`bir pısaqay`lar ay`tatın «elw berseñ jüz alasıñ, kempir berseñ qız alasıñ» degen äjwäli söz tirkesin eske tüsiredi.

Alay`da «bul ne degen batpan quy`rıq, ay`dalada jatqan quy`rıq» degen de barın umıtpağan jön. Älqïssa. Sonımen är oy`ında qay` komandanıñ utıp, kimniñ qay` waqıtta jeñiske jetetinin aldın ala bilip otıratın bilgişter de kezdesip jatadı. Jwırda men sonday` bilgiştiñ birimen oy`da joqta tanıstım. Twısımnıñ üy`ine qonaqqa barğanbız. Sol şañıraqtağı ağay`ım uyalı telefonına köz jügirtip otırıp: «Bügin fwtboldan eki tanımal komandanıñ arasında jarıs ötedi. Soğan bay`lanıstı mağan Atırawdıñ bir mıqtı bäsqumarınan boljam kelip otır.

Osı oy`ınğa bes mıñ teñge salsañ 95 mıñdıq utısqa ïe boladı ekensiñ. Ol üşin aldımen onıñ bergen bankomat nömirine eki jarım mıñ teñge salwımız kerek», – degendi ay`ttı. Kim jetisip jür dey`siz? Oy`lanıp qalğanım jalğan emes. Alay`da sanamnıñ tükpirinen «olay` bolmasa şe?» degen kümändi sawal jalt berdi. Uzaq oy`landım. Aqırı alğaşqı salatın aqşanı ekewmiz bölip şığaramız degen mämilege keldik. Biraq mağan sol qarjını tabwdıñ ıñğay`ı kelmedi. Boy`ımdı «Ättegen-ay`, oray`ı tüsip bäs tigip jibergenimde ayaq astınan mol oljağa kenelip qalar ma edim?» degen ökiniş te bïledi. Erteñine keşegi twısım xabarlasıp: «Keşe bäs tikpegenimiz jaqsı boldı.

Bir tanısım «boljamşınıñ» bankomat nömirine mol alamın degen senimmen qomaqtı aqşa salğan eken, boljamı qïıs ketip, qarjısı jelge uşıptı. Ne isterin bilmey` küñirenip otır», – dep sözin bitirdi. Men ünsiz qaldım. Boljam jasap, utısqa kenelip jürgender de joq emes. Dese de ilwde birew ğana. Älemde bwkmekerlik keñseler arqılı tabısqa kenelip otırğan jandar tipti elder de bar eken. Degenmen mañday` teriñ siñbey` kelgen dünïeniñ qay`ırı az boların umıtpay`ıq. Qumar oy`ınnıñ kesirinen jïğan-tergeninen ay`rılwdıñ soñı urlıqqa, qılmısqa urındırğan jandar qanşama. Qarızğa belwarınan batıp ömirden tüñilgender şe. Qızbalıqpen köringenge jem bolıp, jalaqısın tutastay` tigip jibergen örimdey` jastarımızdıñ qılığın qalay` tüsinwge boladı. Taban astınan pay`da tabam dep jürgende mañday` termen kelgen tabıstıñ kïesi urmasın. Oy`lanay`ıqşı...

Eset TABINBAEV

Kommentarïï0

Vaş kommentarïy` bwdet opwblïkovan posle moderacïï