USD 334.89 EUR 361.61 RUB 5.28
Astana:

Ğanïbek Qazantaev: Dağdarıs zamanında byudjetti orındamaw qılmas

Foto: Призыв

Sırdarïya awdanınıñ äkimi Qazantaev Ğanïbek Qonısbekulı endi bir ay`da eskir­geli turğan jıldı öz eleginen ötkizw, özi basqarıp otırğan awdan awmağında jıl basınan beri atqarılğan awqımdı isterdi el nazarına jetkizw maqsatımen oblıs äkimdiginiñ ortalıq kommwnïkacïyalar qızmetinde buqaralıq aqparat qural­darına arnap brïfïng ötkizdi.

Alğı sözinen-aq ay`tarınıñ salmağın ay`qın añğartqan awdan äkimi Ğanïbek Qonısbekulı:

- Elimizdiñ jaña tarïxındağı mañızdı oqïğa – Täwelsizdiktiñ 25 jıldıq merey`toy`ımen Sırdarïya awdanı xalqı men awdan äkimdigi atınan barşanı quttıqtay`mın. Elbasınıñ sarabdal sayasatı arqasında egemendik jıldarı elimizdiñ älewmettik-ékonomïkalıq jäne qoğamdıq sayasï damwında ülken jetistikterge qol jetkizdik. Bul – bükil xalıq pen barşa Qazaqstannıñ ortaq qwanışı. Büginde Sırdarïya awdanınıñ älewmet­tik-ékonomïkalıq, rwxanï jäne mädenï salaları qarqındı damw üstinde. Qazınası mol Sır öñirindegi oñ jetistikterde sırdarïyalıqtardıñ da ıntımaq pen birlikke negizdelgen qajırlı eñbegi men aq pey`ili jatır – dedi.

Älewmettik düken äli de jalğasın taba beredi. Ékonomïkanıñ erekşe kezeñinde muqtaj azamattarğa atawlı kömek körsetw jöninde oblıs äkiminiñ bergen tapsırmasına säy`kes ötken jıldıñ jeltoqsan ay`ında awdan ortalığı Tereñözek kentinde Älewmettik düken aşıldı.

Dükende kenttegi az qamtılğan 170 otbasına 30-50 pay`ız arzan bağamen, onıñ işinde 9,8,7, balası bar otbasılarğa 50 pay`ız, al qalğan azamattarğa 30 pay`ız jeñildikpen azıq-tülik önimderi qoy`ılıp keledi. Qïındığı köp kezeñde öñirde alğaş bolıp köterilgen osı bastamanıñ aldağı tağdırına alañ bolğan jwrnalïst sawalına awdan äkimi Ğanïbek Qonısbekulı:

- Qazirgi kezde älewmettik düken ustaw da qïın is. Biraq kelesi ay`da jılğa tolğalı turğan osı jobamızdı jalğastıratın bolamız. 700-den astam adamğa 30-50 pay`ızğa arzan önim usınw oñay` jumıs bolmasa da, bul tarapqa käsipkerlerdi tartw, şarwaşılıqtardı şaqırw sekildi şaralardı qolğa alıp, el ağaları men «Nur Otan» partïyası qoldawına jüginip, älewmettik düken jumısın 2017 jılı da jalğastıratın bolamız. Bul jerde awdan xalqına tïimdi tusı älewmettik dükenge narıq bağasınıñ äser ete almay`tındığı – dep jawap berdi.

100%-ğa orındaladı. Awdan äkimi bïılğı jılğa arnalğan awdan byudjetine arnay`ı toqtaldı. Onıñ işinde kiris böligi 7 mlrd.268,4 mln. teñge, öz kiristeri 4 mlrd. 328,3 mln.teñge köleminde ekendigin naqtıladı. Qazına qarjısınıñ qay` maqsattarğa jumsalğanın tizbelep şıqqan äkim:

- Awdan byudjeti ötken jılı 100 pay`ızğa orındalğan bolatın. Bïılğı jılı da tolıq orınday`mız. Sebebi, dağdarıs zamanında byudjetti orındamaw – qılmıs,-dedi.

«Awdan turğını retinde özim de rïza­mın». Awız sw taqırıbı taptawrın bolğan, ünemi alda turar mäselelerdiñ biri ekendigi belgili. Bul tarapqa ay`rıqşa toqtalğan awdan äkimi:

- Elimizdiñ 2020 jılğa dey`ingi strategïyalıq damw josparında xalıqtı sapalı awız swmen qamtamasız etw mañızdı mindetterdiñ qatarına jatqızılğan. Bul rette, bïıl S.Sey`fwlïn awılında qunı 41,4 mln.teñge qarjığa turğın üy`lerge sw qubırın jetkizw jelileriniñ qurılısı ayaqtaldı. Sonımen qatar, tutınwşı turğın üy`ler­diñ şekarasına dey`in sw qubırın jetkizw 2 eldi mekende, atap ay`tqanda, Ay`darlı men Qoğalıköl awıldarında 124,9 mln.teñge qarjı bölinip, jumıstar tolığımen ayaqtaldı. Bügingi tañda awdan xalqı 100 pay`ız ortalıqtandı­rılğan sw közinen taza awız sw işip otır. Ay`tay`ın degenim, bul üşin köp küş jumsalıp, ülken jumıstar jürgizildi. Al qazir awdan xalqı rïza dep nıq senimmen ay`ta alamın. Sol awdannıñ turğını retinde awız sw ïgiligin körip jürgen özim de rïzamın – dedi.

Öz byudjetinen klwb salğan... Äkim qurılıs salasına toqtalıp, jıl basınan beri 11200 şarşı metrge turğın üy` salınıp, ötken jılmen salıstırğanda 105,9 pay`ızdı qurağanın atap ötti.

- Awdandıq byudjet esebinen N.İlïyasov awılındağı äkimşilik ğïmaratın salwğa 35,6 mln.teñge qarjı bölinip, tïisti jumıstar atqarı­lwda. Awdandıq mañızı bar 98 şaqırım jol­dar­dı ağımdağı jöndew jäne kütip ustawğa awdandıq byudjetten 18,3 mln.teñge qarjı böli­nip, ïgerile bastadı. Awdandıq byudjet esebinen Tereñözek kenti Toqtıbaev köşesinen «Äy`tek» kanalı köpirinen «Qızılorda – Jalağaş» avto­jo­lına dey`ingi avtomobïlʹ jolınıñ qurılısına 43 mln.teñge jäne 5 eldi mekende 16 köşeni ortaşa jöndewge 200 mln.teñge qarjı bölinip, tïisti jumıstar atqarılwda. Sonımen qatar, 25 jıldıq erkindik tarïxında ay`maqta öz byudje­tine klwb salğan alğaşqı awdan ekendigimizdi de maqtanışpen ay`ta alamın – dey`di awdan äkimi.

Munan bölek, awdannıñ qurılıs salasında awdandıq byudjetten smetalıq qunı 2,5 mln.teñgeni quray`tın Tereñözek kentine jürgiziletin gaz qubırınıñ jäne kvartal işilik gaz qubırları qurılısınıñ jobası äzirlenip, byudjettik ötinim QR Ulttıq Ékonomïka mïnïstrligine ötkizilgen.

Künnen qwat almaq. - Awdanğa şetel ïnves­tïcïyasın tartw maqsatında Germanïya jäne Ulı­brïtanïyada ornalasqan iri käsiporın basşıla­rımen kelissözder jürgizilip, «Kün közinen élektr qwatın şığaratın stansa salw» jobasın jüzege asırmaqpız – dey`di äkim.

Alaş bolıp asığa kütip jürgen Astana kör­mesiniñ bastı taqırıbı — «Bolaşaq qwatı» ekendigin, körme nazarına usınılmaq ğïmarattar jel, kün jäne basqa da tabïğat közderinen alınğan «jasıl» énergïyamen jabdıqtalatının eskersek, eleñ etkizbey` qoy`may`tın bul joba kelesi jılı jüzege asa bastay`tının ay`tqan awdan äkimi aldağı köktemde süy`inşi xabardıñ da estilwi mümkin ekendigin jetkizdi.

Sonımen qatar, ekinşi deñgey`ge köşken waqıtında stansamen qatar Şağan awıldıq okrwginde ornalasqan 3000 bas mal bordaqılaw alañın qosa qamtımaq jobanı jüzege asırw maqsatında «Grïnkvest Sırdarïya»JŞS qurılğandığı mälim boldı.

Büginde awdan äkimdigi jäne seriktestik jetekşilerimen memorandwmğa qol qoy`ılğan. Jobanıñ qunı 40 mlrd.teñge. Joba tolıq iske asqannan key`in 30 mıñ adam turaqtı jumısqa tartıladı. Bügingi küni 200 gektar jer wçaskesine topografïyalıq zerttew jumıstarı jürgizilgen.

***

Äkim ay`tqan äñgimeden qalamızğa äredikte iliktirgenimizdiñ ulı jobası osı. Al qalğanı jadağay` derek, jay`daq esep bolmağanımen, qatardağı söz ben qalıptı jağday`lardıñ bayandaması dewge boladı. Endi şamamızşa bayandağan brïfïng barısın äkimniñ öz sözimen qorıtındılasaq...

Sırdarïya awdanı äkimi Qazantaev Ğanïbek Qonısbekulı:

- «Awdanımızda bilim salası boy`ınşa 2015-2016 oqw jılında 2700 bala balabaqşamen qamtılıp, 3-6 jastağı balalardı mektepke dey`ingi bilimmen qamtw 100 pay`ızğa orındaldı. Üstimizdegi jılı Şağan awılındağı №37 orta mektep ğïmaratın 75 orındıq balabaqşağa lay`ıqtandırıp, qay`ta jañğırtw jumıstarına awdandıq byudjetten 96,1 mln.teñge qarjı bölinip, jumıstar jaqın künderde ayaqtaladı. Ay`darlı awılındağı burınğı klwb ğïmaratın 50 orındıq balabaqşağa lay`ıqtap qay`ta jañğırtw üşin 6,7 mln.teñgege joba-smetalıq qujat day`ındaldı.

Awdan turğındarınıñ älewmettik-ékonomïkalıq jağday`ın jaqsartw men qoğamdıq-sayasï turaqtılıqtı saqtaw maqsatında barlıq eldi mekenderde oblıs äkiminiñ qoldawımen qurılğan Qoğamdıq keñester urpaq tärbïesi, eldegi awızbirlik pen tatwlıqtı, tazalıqtı saqtawda bügingi küni tabıstı eñbek etwde. Mine osınday` jumıstar nätïjesinde bügingi küni awdanda qoğamdıq-sayasï axwal turaqtı.

Bizdiñ eñ bastı maqsatımız – barlıq älewmettik mindettemelerdi waqıtılı orındaw, xalıqtı jumıspen qamtw jäne älewmettik turaqtılıqtı saqtaw bolıp tabıladı. Munıñ bäri ékonomïkanıñ qwatın eseley`tin, xalıqtıñ tabısın arttırıp, ömir sürw deñgey`in köterwdi közdey`tin negizgi bağıttar».

B.SATJANOV

Kommentarïï0

Vaş kommentarïy` bwdet opwblïkovan posle moderacïï