Нұр-Сұлтан, BAQ.KZ. Қазақстандық файтер Қуат Хамитов Ресейде өткен AMC Fight Nights Global турниріндегі жекпе-жегінде жеңіске жетті.
«Найман» лақап атымен танымал спортшы ресейлік Максим Пантелеевке қарсы жұдырықтасты. Айта кетерлігі, Қуат Хамитовтың қарсыласы жекпе-жекке бір күн қалғанда ауысты.
Жекпе-жек үш раундқа жоспарланғанымен, қазақстандық файтер 51-ші секундта қарсыласын сұлатып түсірді. Осылайша, Қуат Хамитов мансабындағы 20-шы жеңіске жетті.
