Нұр-Сұлтан, BAQ.KZ. Алматыда коронавирустың өршуіне байланысты инфекциялық стационарларда төсек-орын жүктемесі 500-ге дейін артты.
Қоғамдық денсаулық сақтау басқармасының мәліметінше, кеше қалада 650 адамнан коронавирус анықталған. Оның 633 симптомдық белгілері бар және 17 симптомсыз.
Инфекциялық стационарларда 500 төсек-орын жүктемесі бар, жалпы 216 пациент ем алып жатыр. Реанимация және қарқынды терапия бөлімшесінде – 1 науқас ем алып жатыр. БМСК мен Телемедицина орталығы дәрігерлерінің бақылауында 3 297 науқас бар, олардың ішінде жеңіл және орташа ауырлық дәрежесінде 3 080, симптомсыз 217 науқас,-делінген хабарламада.
Сондай-ақ өткен тәулікте Алматы қаласы бойынша коронавирусқа қарсы вакцинаның I компонентін 450 адам, II компонетін 703 адам салдырған. Ал, ревакцинациядан өткендер саны - 1 971 адам.
Бүгінгі таңда қалада медициналық ұйымдарда 85 вакцинация пункті жұмыс істейді. 99 вакцинация бригадасында 313 медицина қызметкерлері жұмылдырылған.
