Нұр-Сұлтан, BAQ.KZ. Көкшетау қаласында 9 сәуірде Боровской шағын ауданының 20 шаршы метр алаңындағы 5 қабатты тұрғын үйдің бір бөлмелі пәтерінде өрт болды, өрт сөндіру барысында 1946 жылы туған 76 жастағы зейнеткер құтқарылды, деп хабарлайды Ақмола облысы ТЖД баспасөз қызметі.
Шақыру орнына келген соң, пәтерде адам бар екені белгілі болды, есеп бірнеше секундқа созылғандықтан және есікті бұзуға уақыт болмағандықтан біз терезеден көтерілуге шешім қабылдадық. Терезені сындырып, газ-түтіннен қорғау қызметінің буыны пәтерде жатқан әйелді тапты. Біз әжемізді жедел түрде көшеге шығарып, алғашқы көмек көрсеттік, содан кейін жедел жәрдем көлігіне бердік. Дәрігерлердің айтуынша, зейнеткердің жағдайы қанағаттанарлық, оның өміріне қауіп төніп тұрған жоқ, – деді №10 өрт сөндіру бөлімінің қарауыл бастығы Әділет Серік.
Сонымен қатар, өрт сөндірушілер жанып жатқан пәтерден газ баллонын алып шыққаны белгілі болды. Өрт орнына ТЖД-нің 12 қызметкері мен үш техника шықты. Қаза болғандар мен зардап шеккендер жоқ. Өрттің алдын ала себебі – сөндірілмеген шам.
Ақмола облысының Төтенше жағдайлар департаменті облыс тұрғындары мен қонақтарына өрт қауіпсіздігі ережелерін сақтау қажеттігін ескертеді. Өрт қауіпсіздігінің қарапайым ережелерін сақтау Сіздің және жақындарыңыздың өмірін сақтап қалуға көмектеседі, – деді құтқарушылар.
