Көкшетауда кәсіпорында жұмысшы биіктен құлап, көз жұмды

Көкшетаудағы кәсіпорындардың бірінде 54 жастағы жұмысшы биіктіктен құлап, оқиға орнында көз жұмды, деп хабарлайды BAQ.KZ Ақмола облыстық ПД баспасөз қызметіне сілтеме жасап.

ПД мәліметінше, ер адам полюсті сырлау жұмыстарын атқарып жүрген кезде оның астындағы баспалдақ сынып кеткен. Қатты құлаған жұмысшы басынан ауыр жарақат алып, сол жерде қайтыс болған.

Аталған факті бойынша ҚР Қылмыстық кодексінің 156-бабы 3-бөлігі («Еңбекті қорғау қағидаларын бұзу») бойынша сотқа дейінгі тергеу басталды. Сот-медициналық сараптама тағайындалды.

Оқиғаға байланысты мемлекеттік еңбек инспекциясы да тексеру жүргізетін болады.