BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
Астана:

Қазан Жолдауы: 2019 жылдан бастап бюджет қызметкерлерінің жалақысы 35 пайызға өседі

2019 жылдың 1 қаңтарынан бастап ең төменгі еңбекақы мөлшері 1,5 есе өседі. Бұл туралы Қазақстан президенті Нұрсұлтан Назарбаев биылғы Жолдауында айтты, деп хабарлайды Baq.kz тілшісі.

«Үкіметке 2019 жылдың 1 қаңтарынан бастап ең төменгі еңбекақы мөлшерін 1,5 есе, 28 мың теңгеден 42 мың теңгеге дейін өсіруді тапсырамын. Бұл әр қазақстандық үшін үлкен көмек болады. Бұл түрлі салада жұмыс істейтін, барлық меншік формасындағы кәсіпорындарда еңбек ететін 1 миллион 300 мың адамның жалақысын тікелей өсіреді. Сондай-ақ, 275 мың бюджеттік ұйым қызметкерлерінің еңбекақысы өседі. Олардың жалақысы орташа алғанда 35 пайызға көтеріледі. Бюджеттік дегеніміз - олар ұстаздар, дәрігерлер, құқық қорғау органдары, қорғаныс қызметкерлері және тағы басқа. Бұл мақсатқа 2019-2020 жылдарға жыл сайын 96 млрд теңгеден бөлу керек. Мен Парламент бұны бюджетті қарастыру кезінде ескереді деп ойлаймын», - деді Ақордада Нұрсұлтан Назарбаев.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер