BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
Астана:

Қазақстанда диабетпен ауыратындар үшiн мобильді қосымша жасалады

Фото: Poliksal.ru

Қазақстанда қант диабетімен ауыратындар үшін мобильді қосымшаны əзірлеп, іске қосу жоспарланып отыр, деп хабарлайды Baq.kz тілшісі.

«Бұл жалпы практика дəрігерлерінің, эндокринолог мамандардың уақытын біршама үнемдеуге мүмкіндік береді. Себебі, көптеген мәселелер онлайн шешілуі мүмкін. Яғни, адамдарға ауруханаға келіп, кезекте тұру қажет болмайды», - деді ҚР Денсаулық сақтау министрі Елжан Біртанов қант диабеті проблемаларына арналған дөңгелек үстел барысында.

Министрдің айтуынша, мобильді қосымша тексеру сапасын арттыруға, пациенттердің дəрі-дəрмекті уақытылы қабылдауын қадағалап, диета режимі мен дене белсенділігін жақсартуға мүмкіндік береді.

Біртанов қант диабеті онкологиялық жəне жүрек-қантамыр ауруларымен қатар еліміздегі ең көп тараған аурулар бестігіне кіреді дейді.

Ресми мəліметке сəйкес, Қазақстанда 300 мыңнан астам пациент қант диабетіне шалдыққан. Ал ауруы анықталмағандарды есептегенде олардың саны 2 есеге артуы мүмкін. Жəне пациенттер саны жыл санап артып келеді.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер