BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
Астана:

Қызылордада мемлекеттік қызметтер жәрмеңкесі өтті

Қызылордада «Азаматтарға арналған үкімет» мемлекеттік корпорациясы және басқа да сала мамандарының қатысуымен мемлекеттік қызметтер жәрмеңкесі өтті, деп хабарлайды Baq.kz ақпарат агенттігі.

Тұрғындар шарада мамандарға мемлекеттік қызметтер, әлеуметтік төлемдер, жер қатынастары, көші-қон, архитектура сынды көп сұранысқа ие салалар бойынша өздерін қызықтырып жүрген сауалдарын қойып, кеңес алды.

Жәрмеңкеге жиналғандар сұрақтарына жауап алып қана қоймай, eGov.kz электронды порталы арқылы алуға болатын қызметтермен танысты. Мемлекеттік корпорация қызметкерлері қазіргі таңда үйде немесе жұмыс орынында отырып-ақ, электронды цифрлық қолтаңба немесе бір реттік құпиясөз арқылы алуға болатын қызметтер туралы айтты. Ол үшін тек мобильді азаматтар базасына тіркелсеңіз болғаны.

Қызығушылық танытқандар қолдарындағы смартфон, планшет, және арнай ы орнатылған компьютер арқылы оңай, әрі түсінікті механизмдерді қолдана отырып өздеріне керекті анықтама алып та көрді.

Мемлекеттік қызмет істері және сыбайлас жемқорлыққа қарсы іс-қимыл агенттігінің облыстық департаментімен бірігіп ұйымдастырылған іс-шара алдағы уақытта өз жалғасын таппақ.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер