BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
Астана:

Атырауда алғаш рет «инфо-донор» бағдарламасы іске қосылды

Бағдарлама Батыс Қазақстан бойынша тек Атырау облысында жүзеге асуда, деп хабарлайды Baq.kz ақпарат агенттігі Атырау облысының Өңірлік коммуникациялар қызметіне сілтеме жасап.

ҚР Президентінің халыққа Жолдауында көрсетілген «Цифрлық Қазақстан» бағдарламасы аясында жүзеге асқан жоба Атырау облыстық денсаулық сақтау басқармасының қолдауымен Атырау қан орталығына енгізілді.

«Инфо-донор» іске қосылған 1 ай көлемінде 656 адам электронды тіркеуден өтіп, донор болуға ниетті екендерін білдірген. Оның 473-і қан тапсыруға жарамды болған.

«Аталған бағдарлама іске қосылғалы жұмысымыз жеңілдеді. Мамандар жедел түрде кезектегі донорды қабылдап, анализдерін анықтап, қан тапсыруға жібереді. Донордың сараптама нәтижелері, жұмыстың орындалу барысы жүйеде бақылауда болады. Тұрғындардың да уақытын үнемдеуіне қолайлы», - дейді қан орталығының директоры Жәңгірхан Бахонов.

Бағдарлама арқылы Атырау облысында тіркеуде тұрған донор жеке куәлігі арқылы жүйе іске қосылған Қазақстанның басқа қалаларында да тексеріліп, донор бола алады.

Айта кетейік, «Инфо-донор» бағдарламасы тек жеке куәлік арқылы донордың орталықтағы маршруттарын автоматты түрде анықтап, реттеп отырады. Яғни, тіркеу бөлімі – алдын-ала тексеру зертханасы – терапевт қабылдау – қан тапсыратын зал. Донор осы бағыттар бойынша жүріп, барлық бөлімдерге донор тіркеуден өткеннен кейін ол туралы ақпарат жедел электронды түрде жетеді.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер