BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
Астана:

Головкиннің промоутері Деревянченко GGG-дің қарсыласы бола алмайтынын айтты 

WBC, WBA (Super), IBF және IBO нұсқасы бойынша әлем чемпионы Геннадий Головкиннің промоутері Том Леффлер украин боксшысы Сергей Деревянченконың 5 мамырда GGG-мен жұдырықтаса алмайтынын мәлімдеді, деп хабарлайды Baq.kz тілшісі.

«Головкин 5 мамырда бокстасқысы келеді. Мен мұны өткізу үшін барымды саламын. Геннадий 5 мамырда Сергей Деревянченкомен жұдырықтаспайды. Егер Деревянченко келесі жекпе-жекке дейін күтер болса онда оған еш зақым келмейді. Деревянченкомен жекпе-жекке қарсы емеспіз, бірақ міндетті түрде белгілеп... Мұндай кездесулер дұрыс жүргізілуі тиіс. Біз оны қалай іске асырсақ солай жақсы болады», - деді Леффлер.

Ол GGG-дің 5 мамырға жоспарланған жекпе-жегі туралы нақты мәлімдеме 18 сәуірге дейін белгілі болатынын айтты.

«Головкиннің келесі жекпе-жегі шешілген соң сіздерге анонс береміз. Әзір ештеңе анықталған жоқ. 18 сәуірге дейін күтейік, сол кезде 5 мамырдағы жекпе-жек пен қыркүйектегі IBF туралы айта аламыз. Дәл қазір көп сұраққа жауап бере алмаймыз, дегенмен апта ортасына дейін біраз сұрақтың жауабы белгілі болады деп ойлаймын», - деді ол Boxingnews24.com-ға.

Еске сала кетсек, мексикалық боксшы Сауль «Канело» Альварестің допинг сынамасы оң нәтиже көрсеткен соң ол GGG-мен жұдырықтасудан бас тартты. Десе де 5 мамырға белгіленген жекпе-жек өтетін болды, бірақ қарсылас әлі нақтыланған жоқ.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер