BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
Астана:

Головкин Альварестен жеңіліп қалды

Фото: ашық дереккөзден

АҚШ-тың Лас-Вегас қаласында өткен бокс кешінде орта салмақтағы WBA (Super), WBC және IBF тұжырымдары бойынша әлем чемпионы қазақстандық боксшы Геннадий Головкин (38-0-1, 34 КО) мексикалық Сауль «Канело» Альварестен (49-1-2, 34 КО) жеңіліп, чемпиондық белбеулерінен айырылып қалды, деп хабарлайды Baq.kz тілшісі.

T-Mobile аренасында өткен кездесуде Геннадий Головкин WBC, WBA (Super), IBF чемпиондық атақтарын, ал мексикалық боксшы The Ring журналының белбеуін бәске тіккен.

Алғашқы раундтан-ақ отандасымыз қарсыласын жойқын соққылардың астына алды. Алайда Альваресь те орайы келген сәтте есесін жібермеуге тырысты. Соңғы раундтарда Головкин басымдықты өз қолына алып, сериялы соққылар жасаған болатын. Алайда төрешілердің шешімімен Сауль «Канело» Альвареске жеңіске жетті. Ал қазақстандық боксшы кәсіби бокста тұңғыш рет жеңіліске ұшырады.

Жекпе-жекті тікелей эфирден Qazaqstan және QazSport телеарналары көрсетті.

Айта кетейік, былтыр қос боксшының арасындағы кездесуде жеңімпаз анықталмаған. Төрешілер тең ойын болды деп, екеуінің де қолын көтерген.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер