BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
Астана:

Молдова президенті Сочиде өтетін ЕАЭО саммитінде Назарбаевпен кездесуді жоспарлауда

Фото: ашық дереккөзден

Молдова президенті Игорь Додон Сочиде өтетін Еуразиялық экономикалық одақ (ЕАЭО) саммитінде Қазақстан, Ресей және Беларусьтың президенттерімен, сонымен қатар Армения премьерімен жұмыс кездесуін өткізуді жоспарлауда, деп хабарлайды Baq.kz ақпарат агенттігі ТАСС-қа сілтеме жасап.

«Жоғарғы Еуразиялық экономикалық кеңестің отырысына қатысу үшін ұшып барамын. Саммит «алаңында» РФ президенті Владимир Путинмен, Беларусь Республикасының президенті Александр Лукашенкомен, ҚР президенті Нұрсұлтан Назарбаевпен, сонымен қатар, Армения Республикасының премьер-министрі Николай Пашинянмен екі жақты кездесу өткізу жоспарланған», - деп жазған И.Додон әлеуметтік желідегі парақшасында.

Бұған дейін, Молдова басшысы Сочиде «Ресей президентімен өткен жылдың басында қол жеткізілген келісімдердің нәтижесін талқылағысы келетінін» хабарлаған.

«Олар бірінші кезекте көптеген азаматтарымыздың өмірінде орын алған оң өзгерістерге қатысты. Осы уақытқа дейін біздің өндірушілеріміз РФ-ға экспорт көлемін едәуір арттырды. Сонымен қатар, Молдованың басым бөлігі Ресейде жұмыс істейтін еңбек мигранттары бұрынғыға қарағанда жақсы қорғалған», - деп атап өтті И.Додон.

Сонымен қатар, И Додон келіссөздер барысында Молдова мен Ресей арасындағы қарым-қатынасты жақсарту мәселесін талқыламақшы. Оның айтуныша, Кишиневтағы еуропалық биліктің қырын қабақ танытуы екі ел арасындағы қарым-қатынасты қиындатып жіберген.

Хабарланғандай, ЕАЭО елдерінін басшылары Сочиде 14 мамырда өтетін саммитте энергетика, цифрлық экономика, медицина, экология, сонымен қатар Молдованың одаққа бақылаушы ел ретінде мүшелігін тақылайтын болады.

«Талқыланатын мәселелер қатарында БАҚ назарын аударатын маңызды мәселе де бар – бұл Еуразиялық комиссия дайындаған одақ жанындағы бақылаушы-мемлекет ережесін бекіту. Біз күтіп отырғандай, отырыс барысында Молдова Республикасына бақылаушы-мемлекет мәртебесі беріледі», - деді РФ президентінің көмекшісі міндетін атқарушы Юрий Ушаков.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер