BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
Астана:

Қытай азаматтары Қазақстанға визасыз кіреді деген жалған - ҚР СІМ

Бұл туралы Қазақстан Республикасы Сыртқы істер министрлігінің фейсбук әлеуметтік желісіндегі парақшасы жариялады, деп хабарлайды Baq.kz ақпарат агенттігі.

«Қазақстан Қытаймен визасыз режім енгізу туралы келіссөздер жүргізіп жатқан жоқ. Мессенджерлер арқылы таратылған «Қытай азаматтары үшін визалық режім жойылады» деген ақпарат жалған, әрі арандатушылық мәнінде таратылып отыр» - делінген хабарламада.

Сонымен қатар, ол жерде Қазақстан-Қытай арасындағы визасыз қатынастың қандай болатынын да нақты түсіндірген.

«Қазақстан тарапы Қытайдың халықаралық әуежайлары арқылы транзитпен өтетін Қазақстан азаматтары үшін визасыз болу мерзімін 24 сағаттан 72 сағатқа ұзарту, сондай-ақ Қытайға баруға ниетті қазақстандықтарға дербес виза рәсімдеуді қайта бастау бойынша қытай тарапымен белсенді жұмыс жүргізіп отырғанын естеріңізге саламыз. Осы бағыттағы жұмыс екі ел арасында қалыптасқан жан-жақты өзара әріптестік, тараптардың мүдделеріне өзара құрмет негізінде жалғасуда» - делінген ҚР СІМ Фейсбуктегі ресми парақшасындағы хабарламада.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер