Қазақстан мен Қытай сауда-саттық саласында ұлттық валюта қолдануға келісті - Саясат|12 Маусым 2018, 10:12
BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
Астана:

Қазақстан мен Қытай сауда-саттық саласында ұлттық валюта қолдануға келісті

Фото: Qamshy.kz

Қазақстан мен Қытай қаржы саласында серіктестікті нығайтып, инвестиция, сауда-саттық саласында ұлттық валютаны кеңінен қолдануға келісімдер жасасты. Бұл туралы 2018 жылы 7 маусымда Нұрсұлтан Назарбаев пен Си Цзиньпин біріккен мәлімдемесінде айтылды, деп хабарлайды Baq.kz ақпарат агенттігі.

Қос мемлекет Қазақстан мен Қытайдағы Ұлттық банктер арасындағы «теңге-юань» айырбасты жүзеге асыруды жалғастырып, қаржыландыру саласына инновациялық әдістер енгізбек.

Сондай-ақ, қос тарап электронды трансшекаралық сауда-саттық саласында серіктестікті нығайтуға келісті. «Цифрлық экономика» бағытында ұлттық бағдарламаларды бірігіп жүзеге асыру, жаңа серіктестік моделі мен платформасын құру көзделуде.

Мемлекеттер АХҚО, Жібек жолы және Қытай-Еуразия қорлары арасында стратегиялық, экономикалық қарым-қатынасты нығайтуға келісті. Сондай-ақ, Жібек жолы қорын АХҚО биржа акционерлері құрамына қосуға қолдау көрсетілді. Құжатта АХҚО-ның Азия банкімен инфраструктуралық инвестицияларды дамыту көзделгені туралы жазылған.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер