BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
Астана:

Ұрланған қақпақтар Алматы сақшыларын алаңдатып отыр

Фото: lenta.kharkiv.ua

Алматы қаласының Ішкі істер департаменті канализация люктерінің қақпақтарын ұрлау фактілері туралы ақпарат таратты, деп хабарлайды Baq.kz аймақтағы тілшісі.

Жыл басынан бері Алматы қаласында осындай 35 қылмыс тіркеліп, оның 18-і іле-шала, дереу ашылған.

«Әңгіме коммуналды мүлікті ұрлау туралы болып отыр. Бұл Қазақстан Республикасының Қылмыстық Кодексінің 188-бабының нормаларымен реттелетін, қылмыстық жазаға тартылатын іс. Осыған дейін қақпақ ұрлаушылардың құрықталып, әртүрлі мерзімге жазаға кесілгені аз кездескен жоқ. Қақпақтарды ұрлау кесірінен түрлі қауіп-қатер туындайды. Мәселен, жол-көлік оқиғалары, қайғылы жағдайлар және басқа да төтенше жағдайлар. Заңнамада ұрланған заттарды сатып алушы тұлғаларға да қылмыстық жауапкершілік нақты көрсетілген. Бұл жерде металл қабылдау орындарын айтып отырмыз. Металл қабылдаушы заңды құрметтейтін болса, өткізушінің канализация люктерінің қақпақтарын қайдан алғаны жайында ойлануы керек. Өкінішке қарай, көбіне ойланып жатпайды, сондықтан қылмыстық жауапкершілікке тартылады», – дейді Алматы қаласының ІІД-нің ресми өкілі Салтанат Әзірбек.

Мұнымен қатар, тәртіп сақшылары қала тұрғындарына азаматтық ұстаным білдіріп, қақпақ ұрлау фактілеріне қатысты кез келген ақпаратты хабарлауды өтініп отыр.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер