Ресейдегі ұшақ апатынан қазақ жігіті қаза тапты - Оқиға|12 Ақпан 2018, 09:45
BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
Астана:

Ресейдегі ұшақ апатынан қазақ жігіті қаза тапты

Алдын ала мәліметке сейкес, Мәскеу облысында апатқа ұшыраған Ан-148 ұшағында қаза тапқандардың арасында қазақстандықтар жоқ. Бұл туралы ҚР СІМ баспасөз қызметінің жетекшісі Әнуар Жайнақов мәлім етті, деп хабарлайды Baq.kz тілшісі.

11 ақпан күні Мәскеу облысының Раменс ауданында Ан-148 ұшағы апатқа ұшырады. Салдарынан ұшақ бортында экипаж мүшелерімен қосқанда 71 адам қаза тапты. Кейіннен анықталғандай, жолаушылардың бәрі оқиға орнында көз жұмған.

Ал Әнуар Жайнақовтың айтуынша, ұшақ апатынан қаза тапқандардың арасында қазақстандықтар жоқ.

«Алдын ала мәліметке сәйкес, қаза тапқандардың ішінде қазақстандықтар жоқ. Қазіргі таңда Ресейдегі дипломаттарымыз тиісті жұмыстарды жүргізуде. Жаңа деректер белгілі болса, сіздерге хабарлаймыз», - деді ҚР СІМ баспасөз қызметінің жетекшісі.

Алайда, соңғы ақпараттарға сәйкес, Орск қаласында тұратын Темірлан Ақназаров есімді қазақ жігіті Мәскеу түбінде апатқа ұшыраған лайнердің бортында болған. Темірланның «ВКонтакте» әлеуметтік желісіндегі парақшасында қолданушылар орыс және қазақ тілдерінде көңіл айтуда.

Айта кетейік, апатқа ұшыраған әуе кемесі «Саратов әуежелілері» компаниясына тиесілі. Қазіргі таңда Ресейдің тергеу комитеті аталған компания үстінен қылмыстық іс қозғады. Оқиға орнында тексеру жүріп жатыр, «қара жәшік» те табылды.

Естеріңізге сала кетейік, жексенбі, 11 ақпан күні Мәскеудің «Домодедово» әуежайынан Орск қаласына бағыт алған Ан-148 жолаушылар ұшағы 10 минутқа жетпей, радардан жоғалып кеткен. Салдарынан ұшақ апатқа ұшырап, 71 жолаушы қаза тапты.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер