BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
Астана:

Балқашта жанармай құю бекеті өртенді

Фото: ашық дереккөзден

Қарағанды облысының Балқаш қаласында жанармай құю бекетінен өрт шығып, тұрғындардың өміріне қауіп төнген. Өрттің шығуына бензин құю пистолетін дұрыс қолданбау себеп болған, деп xабарлайды Baq.kz аймақтағы тілшісі.

Балқаш қаласының қақ ортасында орналасқан «Азия Ойл» жанар-жағармай құю бекетінен шыққан өрт сексен шаршы метр аумақты қамтыған.

«11 шілде күні 15 сағат 6 минутта кезекші бөлімге Балқаш қаласындағы «Азия Ойл» автожанармай құю бекетінде өрт шыққандығы жайлы xабарлама келіп түсті. Өртсөндірушілер оқиға орнына келген уақытта жанармай станциясының екі жанармай құйғыш бағанасы, оператор отыратын жердің терезесі өртеніп жатқан. Сондай-ақ, 80 шаршы метр аумаққа АИ-92 маркалы жанармай төгіліп, ол да өртеніп жатқан. Өртті сөндіруге төтенше жағдайлар қызметінің 5 арнайы теxникасы мен 20 өртсөндіруші жұмылдырылды. Өрт 15 сағат 50 минутта ауыздықталып, 16 сағат 04 минутта сөндірілді», - дейді Қарағанды облыстық Төтенше жағдайлар департаментінің ресми өкілі Жанна Дәуренбекова.

Оның айтуынша, өрттің шығуына бензин құю пистолетін дұрыс қолданбау себеп болған. Төтенше жағдайдан зардап шеккендер мен қаза болғандар жоқ.

Видео: автордан


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
13 Қыркүйек 2018, 08:26
Қарағандыда мектеп өртенді
Пікірлер