BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
Астана:

ШҚО-да 12 тонна балық аулаған браконьерлер ұсталды

Шығыс Қазақстанның табиғи қорығында 12 тонна балық аулаған браконьерлер құрықталды, деп хабарлайды Baq.kz ақпараттық агенттігі 24.kz-ке сілтеме жасап.

Көкпекті мен Күршім аудандарында ерекше қорғаудағы аумақтарда заңсыз балық аулауды кәсіпке айналдырған браконьерлер жыл басынан 12 тонна бағалы балықты заңсыз аулаған. Оңай олжаға кенелгісі келгендерге өңірдегі жылдам жасақталған әуе жасағы тосқауыл қойды.

Шығыс Қазақстанның тауларын бірнеше тәуліктен бері әуеден тікұшақтар торуылдап бақылауды күшейткен. Әуе бортында табиғатты қорғау полицейлері мен қатар бірнеше құзырлы орган қызметкерлері бар. Бір сағат ішінде әуедегі назарға Көкпекті ауданында қамыс арасындағы жасырылған браконьерлер қайығы іліккен.

Заңсыз балық аулаушылардың қылмысын әзірге тек әуеден әшкерелеуде. Өңірде баламалы өзге бақылау жоқтың қасы. Шығыс Қазақстанда әр балық инспекторы 20 шақырым аумақты бақылауда ұстауы тиіс.

«Жыл басынан инспекторлардың құқықбұзушылық балық шаруашылығына келтірген 900-ге жуық заңбұзушылық анықталып, тиісті хаттамалар толтырылған. Бүгінде заңсыз тәркіленген балықтардың көлемі 12 тоннаға жетті. Әуеден бақылау жұмыстарының нәтижесі мол. Алайда шығыны көп», - деді ШҚО орман және аңшылық шаруашылығы аумақтық инспекциясының бөлім басшысы Талғат Рахымжанов.

Жыл басынан бері ШҚО табиғи қорық аумағы мен өзен-су қоймаларынан 900 браконьер ұсталған. Олардан мың шақырымнан аса синтетикалық моно жіптерден жасалған аулар тәркіленген.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер