BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
Астана:

Шымкент қаласының екі ауданына жаңа әкім тағайындалды

Бүгін Шымкент қалалық мәслихатының кезектен тыс 34-сессиясында екі ауданының әкімі тағайындалды, деп хабарлайды Baq.kz ақпарат агенттігі.

Сессия отырысында депутаттар Қаратау ауданының әкімі лауазымына Қантөреев Исамидин Мұхитдинұлының тағайындалуына келісім берді.

Исамидин Мұхитдинұлы 1984 жылы туылған. Білімі – жоғары заңгер, экономист.

Қызмет жолын 2005 жылы ҚР Энергетика және минералды ресурстар министрлігі «Өндірістік және жедел кәсіпорын» ЖШС-де экономист болудан бастаған.

2008-2009 жылдары ҚР Мемлекеттік қызмет істері агенттігінің «Ақпарат және тестілеу орталығы» ММ-нің Батыс Қазақстан облысы бойынша е-кадр жөніндегі операторы, 2009 жылдың сәуірінен «Персоналды басқару бойынша ұлттық орталығы» АҚ ақпараттық қамтамасыз ету департаментінің аумақ бойынша бағалау және мониторинг басқармасының сарапшысы, 2013-2015 жылдары ҚР Президентінің Әкімшілігі мемлекеттік бақылау және аумақтық бақылау жұмысы бөлімінің референті қызметтерін атқарған.

2016 жылдың сәуірінен бүгінгі таңға дейін Шымкент қаласы Қаратау ауданы әкімінің орынбасары лауазымын атқарып келді.

Сонымен қатар, сессия отырысында депутаттар Әл-Фараби ауданының әкімі лауазымына Мәуленқұлов Ғабит Патшаханұлының тағайындалуына келісім берді. Ғабит Патшаханұлы 1977 жылдың 22 наурызында дүниеге келген. Білімі – жоғары, заңгер.

Еңбек жолын 2000 жылдары Каспий экологиялық прокуратурасында маман болудан басталған. Кейіннен Каспий экологиялық прокуратурасы прокурорының көмекшісі міндетін, Атырау табиғатты қорғау прокуратурасы прокурорының көмекшісі міндетін атқарды. 2001 жылдан бастап «Астана Интернационал» ЖШС-де заңгер болған. 2002-2016 жылдары ҚР Жоғарғы Сот аппаратында түрлі қызметтер атқарды.

2016-2018 жылдары Шымкент қаласы Қаратау ауданы әкімі лауазымында қызмет атқарды. 2018 жылдың наурызынан бері Шымкент қаласы әкімінің орынбасары лауазымын атқарып келді.


Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер