Оңтүстік Қазақстанда биыл 20 мыңға жуық тұрғын таза ауыз сумен қамтылады - Аймақ|16 Мамыр 2018, 08:39
BAQ.kz - Қазақстан жаңалықтары USD 360.87 BAQ.kz - Қазақстан жаңалықтары EUR 410.27 BAQ.kz - Қазақстан жаңалықтары RUB 5.4
Астана:

Оңтүстік Қазақстанда биыл 20 мыңға жуық тұрғын таза ауыз сумен қамтылады

Фото: ОҚО әкімдігі

Оңтүстік Қазақстанда өңір халқын сапалы ауыз сумен жабдықтау бойынша жоспарлы жұмыстар тұрақты атқарылуда. Облыстың даму жоспарына сәйкес, үш жылда 84 елді мекенді, яғни, 209,7 мың адамды орталықтандырылған ауыз сумен қамту жоспарланып отыр, деп хабарлайды Baq.kz ақпарат агенттігі аймақ әкімдігіне сілтеме жасап.

«Атап айтқанда биылғы жылы ауыз су саласына 9,6 млрд. теңге бөлініп, 76 нысанның құрылысы іске асырылуда. Аталған нысандардың 20-сы биыл пайдалануға берілсе, 56 нысанның құрылысы келер жылға өтеді. Нәтижесінде осы жылы аймақтағы 13 елді мекен, яғни 19,6 мың тұрғын таза ауыз сумен қамтылса, 2 елді мекендегі тозығы жеткен су құбырлары қайта жаңартылады», - делінген хабарламада.

Сонымен қатар, 35 елді мекенді ауыз сумен қамтамасыз ету үшін жобалық-сметалық құжаттар әзірленуде. Нәтижесінде, 2020 жылға қарай қала тұрғындарының 97 пайызы, ауылдық елді мекендердің 83 пайызы орталықтандырылған ауыз сумен қамтылатын болады.

Айта кетейік, бүгінде облыстағы қалалардың 93,4 пайызы, ал ауылдық елді мекендердің 73,6 пайызы орталықтандырылған ауыз сумен қамтамасыз етілген.

Біздің Telegram-парақшамызда Қазақстанның маңызды жаңалықтары. Жазылыңыздар!

Ұқсас сілтемелер:
Пікірлер